-UANG SIPANGGARON-

Pulang kampung adalah ritual tahunan yang menjadi tradisi di Indonesia.
di daerah Jawa istilah ini lebih populer dengan sebutan MUDIK sementara orang Sumatra lebih nyaman dengan sebutan PULKAM.
Secara umum tradisi MUDIK/PULKAM di Indonesia terjadi pada saat Idul Fitri dan Natal/Tahun Baru, pada kedua momen hari raya ini ribuan bahkan jutaan orang dari berbagai kota berbondong bondong pulang ke kampung halaman masing masing.

Baiklah sodara…
demikian dulu penjelasan dalam bahasa Indonesia sebagai kata pembuka dan selanjutnya Saya akan berbahasa BATAK
HaHaHa…arroaaaa…tiop ma tiang i...

Molo di bulan Desember na balau on tung maccai godang do akka na geok ateh kale, maccam ma akka si geok geok i kale,
mulai sian na geok mengottaki sahat tu na geok mandoit lengkap ma sude…
Adong do na geok positif, hugoari ma on “GEOK PLUS PLUS” jala adong do geok negative alias “GEOK MINMIN” HaHaHa…

Maccam ragam do menyambut haroro ni pangaratto di huta, dang i tahe kale ?
Molo attar biasa biasa sajo do haroro ni pangaratto i, attar songon on do didok hombar balok : “bah… sadihari ho ro kalapa ?

Dialusi si kalapa ma : “Nattuari …”

Nga… sae… dang berlanjut be kombur….HaHaHa…

Alai molo attar na boi diperhitungkan do na pulkam on apalagi molo mar mobil do, beda muse do model kombur na,
ninna hombar balok ma : “bahh… naung mulak doho kale..? nandigan ho sahat kale ?
Dialusi si Kale on ma : “nattuarui do nattulang….”

Pittor dilanjut hombar balok on ma : “wehh tahe nga hasea ho kale, amang tahe nga sai hira bos,
nga hapal ra diboan ho sian Jakarta ateh…”

Di alusi si Kale on ma : “eeehh toe ma Nattulang asal ma hipas…. (pittor didok si kale on ma muse tu gelleng na) Ambil dulu kue kaleng itu di kamar inang… kasi sama nantulang, sama dodol garut itu juga.. kasi inang… bilang sama nantulang nya selamat tahun baru…pake lah sandal nya inang, nanti kotor kaki nya boru….”

Ido attong, sipata songoni do ateh kale…

molo mulak tu huta sian pangarattoan attar inama romantisna komunikasi tu dakdanak :
“jangan main kotor ya amang…
"jangan ribut kali ya inang…
"habiskan nasi nya ya boru…
"siok hasian…siok…
"inang inang inang anak ku na bunju bunju on...
"si bunju bunju papi on, si bunju bunju mami on…”

Hape molo aslina di kota attar songonon do ra ateh :
“kecil kan suara mu itu, ribut kali kau, ku peccah kan pulak nanti kepala kau itu…..”

HaHaHa

Tabba ma muse molo taon baru RUGI do natua tua di huta dabo.
ai boha ma puang kale apala SAKALENG do BISKUIT ASIA SAKTI diboan sian kota tu huta tanda na sukses mangaratto, alai ikkon SABARUJJAT ma annon boanon sian huta mulak tu kota.
Diboan ma Boras sagoni, Kalapa satandan, Durian, Kopi, Andaliman, rodi tolor manuk kappung tong dilajja.
Etong ma atong sadia ma argani biskuit i marimbar boras sagoni ?
HaHaHa... 

Adong muse do na geok akka pangaratto na mulak tu huta….
Rata rata do akka pangaratto tarlumobi anak boru molo markombur mandok :
“iss aku juga gitu lah… gak selera aku makan, dua sendok aja sudah cukup…
Dialusi anak boru na sannai : “iss sama lah kita kak, aku pun gitu nya, malam aja aku gak makan…”

Ro anak boru na sannai : “iya… di kos ku pun berserak makanan sampe busuk gak ada yang makan, cemmana lah awak melihat makanan aja sudah kenyang… iya kan kak….”

Hape inna roha ma : “bahhh tahe, dang selera inna akka itoan on mangan hape Lambiak na balga balga do, ai dia do adong jolma mangan sasseddok alau butuhana balga ? HaHaHa

Doli doli pe songoni do ateh kale… Weehhh unang salah hamu, ummanggang an dope doli doli makkatai sian anak boru da.
Adong ma sada tabiat ni doli doli dipangarattoan on molo mulak tu huta, PATTANG TAK TOP.
Misalna molo markombur dengan topik hallet, sai pittor adong do si doli mandok : “eehh si adonang ? nga hu pakke i (emang kau pikir cewek itu sabun ? tiop ma tiang i kalapa…
HaHaHa),
pantang semuanya anak gadis di dunia ini DIPAKKE (ninna da, boha ma manggang makkatai, hape aslina apala MISE na pe makkitiri) ittor dirippu do molo mangaddai makkatai gabe salut jolma.

Molo pas topik kombur tentang karejo : “sai ittor adong do si doli na mengaku mandor dan bolak balik ditawari cina kerja.
hape toho do nian asli na  MANDOR do alai MANDORONG…
HaHaHa

Ima nian molo na mulak tu huta on taon baru, ittor sai adong do efek manggang makkatai ateh kale.

Jala pittor sude heppon terbaru do sappat di atas meja, sude ma i akka na baru asa mantap, sahat tu LEJING MANOHARA ikkon terbaru ma, sahat tu CELANA HIJO NEON ikkon tong terbaru, sahat tu BET CAPER Syahrini pe ikkon do baru, paling jebu muse sahat tu naso porlu pe ikkon boanon do mulak, aha ma naso porlu i hira hira ?
ba missal na DEMAM TELOLET, ikkon do lengkap video demam TELOLET di heppon on asa songon na trendi dan kekinian jala di putor putor mai torus molo marpungu dohot akka dongan di huta,  nadirippu do nuaeng di huta dang adong TELOLET ???
hape haru tahun 80-an nga mar-TELOLET motor SATAHI di SIGOMPULON PAHAE…
HaHaHa… TELOLET…TELOLET… molo nakkok taripar dolok…

Alai adong do doba apala na geok hian taringot taon baru on…
hea do hamu songoni kale ?
Sian kota nga dibagi attong hepengon on di dompet attar buti :
-On… ongkos PP
-On…manuhor bika ambon
-On…manjalang akka mikki mikki (HaHaHa.. akka dakdanak ma attong mikki mikki on kale)
-On…tu natua tua

Alai diboto hamu do akka dongan, di lacci dompet paling dalam nga disurukkon be akka hepeng, piga lacci ni dompet i ba marisi ma sude, malah gabe unggodang do jumlah ni hepeng di lacci ni dompet on marimbar hepeng na dianggarhon nakkin.
asa diboto hamu kale na di lacci lacci ni dompet i di goari mai UANG SIPANGGARON…
Sabutul na uang jaga jaga doi kale, UANG HOLIT do sabutul na i, alai nang pe uang holit i tong do boi CAIR molo dipanggari.
Ikkon malo do attong jolma MAMANGGARI asa boi cair UANG SIPANGGARON i.

attar lewat ma iba hape adong akka gerombolan anak boru markombur, pittor ninna ma : "iihh bang ulak… kapan pulang bang… ihh makin ganteng abang lah, beda kali sama yang dulu…. Bang bakso napa, berapa lah itu marimbar tunjangan 10 ikat (HaHaHa… ittor 10 ikkat do ninna Tunjangan niba), alai ala malo akka gerombolan i mamanggari gabe cair ma dua lebbar UANG SIPANGGARON...HaHaHa

Di lain waktu akka par mitu tong do godang mengalir UANG SIPANGGARON ON, malah menurut SURVEY perputaran UANG SIPANGGARON terbesar molo pulkam adalah KODE TUAK, makana mamora par kode tuak HaHaHa….
Holan didokkon sada ama : “wehh tabo nai lae ateh, karejo ni lae pe nga jago, hape roma iba mulak ulak di maniop gambo…”

Nga… holan songoni pe didok, Cair UANG SIPANGGARON….

Akka anak boru pe  tong do pattang dang dipanggar…
Holan di dok sahalak buti :
“isss cantik kali sekarang kakak lah… tanda do marsalon kakak torus di kota an”

Nga… holan songoni pe didok, Cair UANG SIPANGGARON….

Wooooo apalagi ma akka Ina, tong do sai adong na sipanggaron akka ina on kale, nata pe nian akka si holit mangging akka ina alai sai adong do na sipanggaron,
holan didok akka dongan ina buti : “isss…cantik kali kutek edak itu lah, macam yang di tipi tipi itu kutengok…
ehh tahe hape hami na dihutaon so adong nitanda kutek songon i bagak na edak…”

Nga… holan songoni pe didok, Cair UANG SIPANGGARON….

HaHaHa….
Attar songoni ma molo taon baru ateh kale, sabur ma UANG SIPANGGARON i ateh ?
Ai dang pola boha nian songoni ai sahali sahali do ateh, asal ma unang palobi hu…
Ai tutu ingot PURO PURO na be ateh, unang sai sor mencairkan UANG SIPANGGARON hape dung mulak tu kota gabe maminjam tu rentenir, 20% muse mai HaHaHa….
Di huta pattang so tiap borngin akka ama MANGGALANG tuak sahuta ateh, ai tobal attong uang sipanggaron di dompet, hape dung mulak tu kota tanggal 5 Januari gabe MARTOLOR dijabu sadari manipat ala habis sude.

HaHaHa….Tole ma kale !!! warna warni parngoluan on do i…

Horas ma akka dongan, Selamat menyambut taon baru ma ateh...
Hut ni lean hamu jo di au UANG SIPANGGARON i apala sallebar puang, inang tahe asi jo roha muna dabo, apala adong pasi bika ambon HaHaHa
%%%--%%%--%%%--

Saya Marulak Sinurat di penghujung Tahun