-METODE PAK NURAT-

Disada ari.....
Masuk ma Pak Nurat tu kalas 4 di sada SD di Siborongborong.
Las cian ma roha ni akka murid kalas 4 alana idola ni akka murid do molo Pak Nurat on, boha ma attong dang jadi idola ai so hea Pak Nurat on muruk, selalu dengan pendekatan dan bahasa yang mudah dicerna oleh anak anak do molo adong naeng dipasahat, muruk na pe biasana dalam bentuk poda dan cerita do.

Termasuk ma si Mittop sangat mengidolakan Pak Nurat on, sappe inna roha ni si Mittop “molo gabe Pilot au haduan, garatis do pahabangonku Pak Nurat tu sude penjuru mata angin”.

Tap mai…….
Mulai ma Pak Nurat menjelaskan pelajaran dengan cerita yang menarik :
"Anak anak… baik itu moral, budi pekerti maupun tutur bahasa terbentuk dari keluarga, Keluarga adalah pilar utama. Paham ya anak anak…
jadi kalau anak anak mendengar orang tua sedang berbicara tidak baik segera katakana ''among inong, unang dokkon hata naso suman di jolo ku alana gabe dang berkembang annon pemikiran ku'', paham ya anak anak….?
Begitu juga dalam kehidupan sehari hari anak anak, matematika itu penting, sangat penting malah, tapi yang utama masalah iman dan perilaku kita. Buat apa anak anak pintar matematika tapi hanya untuk menipu orang tua, katanya beli buku paket, beli pulpen, beli taplak meja dll padahal mau dipakai untuk jajan. Buat apa anak anak pintar matematika kalau berbicara saja tidak sopan, anak anak harus paham kelak jika dewasa yang membuat kalian itu diterima di masyakat bukan karena matematika melainkan karena perilaku, paham ya anak anak ?
jadi kita harus….

Hape toppu ma so Pak Nurat on makkatai, akka murid sakalas pe songon na marsibollangan.

Ehh tahe.. Manang ise ma haroa murid na MUTTUT maccai bau…

Pak Nurat : "tuh kan anak anak… baru kita bicara masalah perilaku sudah langsung mengudara “ANGIN BAHOROK”. Bagaimana pelajaran yang Bapak sampaikan bisa dicerna kalau ada PUTAS HUMALIANG di kelas ini ? Anak anak kalau mau buang angin jangan di kelas ya…

Dialusi akka murid : "iya Pak Guru..."

Jadi laos berkreasi ma Pak Nurat Menjabarkan Uttut on dengan metode humor, inna rohana : ''molo dimuruki pe gabe maila ma annon na muttut i, lok ma dengan cara yang santai pasingotton akka dakdanak..''

Pak Nurat : "siapa yang kentut tadi anak anak ? Bapak tidak marah loh, tapi sekali lagi kalau mau kentut permisi ke luar ya anak anak, Tokka ninna Oppung Muttut di kalas, apalagi Uttut na Bau tolor nabeukon.  iya kah ? Pasti besok anak anak tidak ulangi lagi kan ?

Dialusi akka murid : "iya pak guru, kami berjanji tidak mengeluarkan ANGIN BAHOROK di kelas"

Pak Nurat : "bagussss…!!! sekarang Bapak mau uji daya kreativitas anak anak semua,
coba anak anak kreasikan kaliamat yang indah dari Buang Angin tadi.
Coba anak anak jabarkan masalah AROMA TAK SEDAP itu kedalam disiplin ilmu pengetahuan, misalnya kedalam ilmu Fisika dll, ise na boi ?
baen jo kalimat ILMIAH sian Uttut na Bau nakkin sesuai dengan ilmu pelajaran yang kalian kuasai.
coba ho jo memulai Kartince…."

Pittor dialusi si Kartince  ma : "dari ilmu Matematika dapat dijabarkan sebagai 'Sesuatu AROMA dahsyat yang tidak bisa di KALI namun baunya bisa di BAGI'

Pak Nurat : "luar biasa penjabaran mu Kartince… bagus kali nak…toho ma attong dang boi dikali alai DAPOTAN do hita sude.
kalau kamu  bagaimana Tiurma Dorantes ?

Pittor dialusi si Tiurma Dorantes :  "Saya terjemahkan kedalam Ilmu Musik sesuai dengan bakat Saya Pak, Bunyi nadanya terletak pada kunci K diantara interval dan stagkato yang tidak terkontrol'

Pak Nurat : "ouuu.. itu bagus sayang.. kamu akan menemukan kunci baru dalam bermusik kelak, tanda do parmusik bapak mu kale.
kalau kamu bagai mana Guttur Parlinggoman ? ayo nak paparkan, baen jo nabinotom.

Dialusi si Guttur Parlinggoman : "ilmu Biologi Pak, 'Aroma spesial ini adalah ciri utama makhluk hidup melanjutkan hidupnya dengan naluri alami, simbiose mutualisme'

Pak Nurat : bagus sekali pemahaman mu tetang Biologi Guttur, mantap….
Kalau kau Hotlan bagaimana ?
sian ilmu aha do tarikkon mu ?

Hotlan : "dari Ilmu Agama  Pak, “Aroma spesifik ini adalah Zat utama yang menyebabkan orang tidak bisa konsentrasi dan Hikmad dalam beribadah atau biasa disebut Angin Pengganggu hati” alani ido diorai muttut di gareja ala gabe lola akka ruas i"

Pak Nurat : "bagusss…pemahaman mu tinggi kali bah...kalau kamu Horas Tua Selalusetiaselamanya ? boha do ? baen jo, ayo coba jelaskan…"

Dialusi si Horas Tua Selalusetiaselamanya : "Geografi Pak…'Posisi keberadaannya mengikuti arah mata angin sehingga menjadi petunjuk angin berhembus dari arah mana'

Pak Nurat : wauuu… luar biasa…hebat kali analisa kau kale...
Kalau kau Pintauli ?  apa penjabaran kau ?

Dialusi si Pintauli ma : "Sosiologi Pak, 'Perilaku menyimpang pada sikap manusia yang dapat menjadikan manusia introvet sehingga manusia menjadi pribadi yang tertutup'

Pak Nurat : "bahhh.. mantap kali rupanya kau inang…bisa lah kau jadi psikolog haduan,  Uuulalaaa… ido attong akka jolma paruttut akka na tertutup doi.
Kalau kamu Pandapotan, coba buat analisanya, ho do sada naumalo di kalas on

Pandapotan : Sejarah Pak, 'Salah satu unsur alam penyebab terjadinya konflik berkepanjangan dan perebutan tahta wilayah kekuasaan'

Pak Nurat : "oowww… lugas sekali pemaparan mu nak…bagus.
kalau kamu Ponjot Mikael bagaimana ? Baen majo amang..

Dialusi si Ponjot Mikael : "Sastra dan Budaya Pak, 'Satu Kalimat epik yang terdiri dari beberapa suku kata yang bisa di tulis namun aromanya tak bisa di ungkapkan dengan kata-kata...'

Pak Nurat : wuisss keren kali pemaparan mu amang, bagus kali ilmu sastra mu nak...
Dan kamu anaku Mittop bagaimana ? dari tadi diam aja pun, baen majo nabinotom hasian, huboto do malo ho hasian.

Dialusi si Mittop ma : "ilmu  Fisika Pak, 'Zat tidak berwarna yang di sebut inner power, tenaga yang digunakan kecil namun hasil yang ditimbulkan luar biasa besar'

Pak Nurat : wahhh… hebat… Inner Power itu luar biasa kali, mantap.
kalian semua hebat anak anak….
Tapi ingat mulai hari ini jangan membuang ''Bom Molotov" di dalam kelas ya anak anak..."

Dialusi akka murid ma : "Baik Pak, kami tidak akan melakukannya..."

-ASA BAGAK DO AU DIBERENG HO-

Disada borngin di Siborong borong na uli….

Mulak ma Bapak Mittop sian Kode Tuak ni Nai Ramces, dibereng ibana ma Omak Mittop mangajari Si Mittop makkarejoi PR.

Omak Mittop : “Simbiose Mutualisme adalah hubungan antara dua mahluk hidup yang berbeda dan saling menguntungkan”, ahama kira kira nacocok contoh tuson amang ?"

Si Mittop : “attar hira kupu kupu dohot bunga uma”

Omak Mittop : “bagus… ido amang toho doi, manang attar hira burung jalak tu Horbo, butong pidong i mangan sian horbo i jala horbo ipe ias daging na sian sakkilik..”

Si Mittop : “attong uma, dang Simbiose Mutualisme hape Bapa ateh…”

Bapak Mittop : “bahhh… lak au do dihatai hamu puang, songonon do hape tiap ari hamu nadua makkatai au ateh...boohhhh”

Si Mittop : “kenyataan do nahudok i bapa, dang menguntungkan bapa dijabu on, holan di Kode Tuak Nai Ramces do bapa menguntungkan…, apala marsiajar pe au so hea didongani bapa, lamu ma mandongani omak..?”

Pittor lao si Mittop tu kamar…

Omak Mittop : “Tiop ma Tiang i Pak Mittop...na dirippu ho do dakdanak dope gelleng ta on, nga diboto be marroha. pauba pangalaho mi saotik…”

Bapak Mittop : “ai ittor boha haroa pangalahokku , karejo do au, hulean do balanjo, sona takkang au, so hea marhallet au songon ama ama ni halak, apala holan na minum tuak do sahit hu lak soboi dimaklumi ho?”

Omak Mittop : “Dang alani i dabo kale… dang huorai ho minum tuak tu lapo ni Nai Ramces, alai unang palobi hu, ingot mulak ingot ari, urus dirim unang gabe hira Oppung Tali ho paling palingon hape poso dope. Lalap ma holan on boccir ni bada dihita torus. Sateko saborngin kali 12.000 kali saminggu nga sadia ? baen majo absen ho 4 hali di kode ni Nai Ramces an, berarti 26 ari marisuang hepeng i, kalihon ma 26 x 12.000 nga 312.000, nga cukkup hian i pamasukkon si Mittop Les Bahasa Mandarin. diboto hodo Nai Poteria, nga Les Bahasa Mandarin siappudan na…?

Bapak Mittop : “ahhh ima nian ho hira sigotil monis… na petting dang hea hurang setoran ku tu ho.
sude do nasa na hula sala di ho…”

Omak Mittop : “eehhh amang tahe… na jugulan doho. Makana las rohakku udan haba haba ma nian 3 ari 3 borngin asa unang boi akka paragat mambuet tuak…”

Bapak Mittop : “asing doho sipata, akka urusan ku pe diurusi ho, ai pergaulan do i.  hape au so hea husatoi akka ulaon mu..”

Omak Mittop : “aha haroa na hu ulahon ? adong haroa sala na hu ulahon ? bahhh.. unang mamukka bada ho Pak Mittop, sotung marhabangan akka balanga an…”

Bapak Mittop : “holan minum tuak apala dua galas pe iba Pittor di burettengi hodo , hape molo ho mar salon salon sip do au.
Etong ma sadia biaya mempercantik dirim tu “SALON CANTIK MANIS SAHALI MANGKIDOP” dipudi ni Terminal Siborong borong an, SIP do au kan, so adong dia hudokkon age aha…, hape sadia ma Tuak dua galas marimbar biaya Salon mi”

Omak Mittop : “heikkksss….Bapak Mittop… butul do ama ama si KOLOT JIWA ho, amang jo nasib hi maradophon ama ama songon ko..”

Bapak Mittop : “ima malo mi, naeng monang sandiri heikkksss...
etong ma sadia biaya salon mu dohot biaya Tuak ku, unggodang ise do pahabishon hepeng ?”

Omak Mittop : “heikkksss mate ki jo mamereng Bapak ni si Mittop nami on, naso sadar doho kale…?
Marsalon pe au naeng tuho do i sude, Hodo menikmati i sude Pak Mittop, demi dirimu do i sude ”

Bapak Mittop : “tiop ma tiang i…”

Omak Mittop : “heikkkss…Nga kalapaon be ho.
Asa diboto ho da Pak Mittop si KOLOT JIWA, marsalon salon pe au naeng diho do i sude, ASA BAGAK DO AU dibereng ho……”

Bapak Mittop : “bah sarupa do, au pe MINUM TUAK demi ho do sude, naeng tuho do tong sudena i..”

Omak Mittop : “naung songgop do sian hariara i Pak Mittop…?
Nga marsahit ho kale…”

Bapak Mittop : “asa diboto ho da Mak Mittop, MINUM TUAK pe au ASA BAGAK DOHO HUBERENG…”

Pittor Mangamuk ma omak Mittop mambege alusni Bapak Mittop, lamu kumat ma buretteng na :
“jei maksud mu aha… namandok roa do au heeee… ido maksud mu hee ?
jei jolo minum tuak do ho asa bagak au dibereng ko ?
heee….. alusi....hape tikki anak boru au hodo mandok au naumbagak di Siborong borong on… aha do maksud mu Pak Mittop…heikksss…"

Hape pittor dialusi si Mittop ma sian Kamar  : “attong au pe MINUM TUAK nama sogot asa huattusi mamereng NA BAGAK….”

-------//-------//--------//-------//-------

 HeHeHe HORAS ma akka dongan… holan humor sibaor stroke muda do on ateh…. Unang ditarik tu naroa, molo adong lapatan na buet be, alai molo so adong sae ma holan diekkel hon ateh

#Marulak_Sinurat

-KAP 70-

Disada ari, dibocceng Bapak Mittop ma Omak Mittop tu Onan Siborongborong, biasa ma akka ina belanja rutinitas bulanan.

Dung sahat halak i di onan, pittor diparkir ma kareta na on......

Bapak Mittop : "paima sae ho maronan, minum kopi jo au di lapo “Cantik Manis” an da mak’ek, ingot annon manuhor sigaret sabukkus"

Omak Mitop : "olo Pak’ek , unang mar-LENG ho di kode i, sae ma holan minum Kopi, pikkiri balajjo sogot"

Bapak Mittop : "tenang ma Mak'ek..."

Jadi mardalan ma halak i, Omak Mittop naeng tu siamun jala Bapak Mittop naeng tu hambirang.
alai dang sanga dope mendua arah halak i tor pas ma pajumpang dohot Nai Ramces naung sae maronan. 

Hape toppu tarbereng ni Nai Ramces ma sesuatu, inna rohana ikkon hupaila jo Bapak Mittop dijolo ni inatta na jala sekalian margait do inna rohana, ai hobbar balok do, ai langganan tu Lapo tuak na do Bapak Mittop.
per per do i margait sigeok geok, ai di Lapo Tuak pe biasa do manggaor dodak....

Nai Ramces : "eeiiikkkkkkk...Bapak Mittop, dang maila ho kale tarbukka GARASI mu, idageeee..."

Dibereng Bapak Mittop ma dompak toru, tor marmera ma bohina, hape toho do. Bahhh gawattttt….
lupa haroa ibana makkassing, manang kassing na do naung sega ra.

Pittor dialusi Bapak Mittop ma muse tong margait :
''Berarti nga tarbereng mu KAWASAKI NINJA tarparkir di GARASI ku ateh..."

Pittor mangamuk ma Omak Mittop : "eeiikkkk Nai Ramces, marhua do sai gugaionmu amatta ku…"

Nai ramces : "eeiiikkkkkkk... kolot ma ho edak, Toho do tarbukka seleting ni amatta mu, sala haroa au disi...?
ai muse namargait gait do iba, sai hira baru sadari ma hita marsitandaan dabo edak, kolot nai"

Omak Mittop : "Hea haroa Hugaiti Amatta mu ?
Pukkul Rata do sude dibaen ho, dirippu ho do kode tuak on, eehhh sabbor ma ho...."

Bapak Mittop : "eehhh paso hamu mai, maila iba, dohot do apala margait gabe bada,ahh amang jo...."

Omak Mittop : "sarupa ma Gittal muna na dua attong, makana coccok kamus gait muna, tiop ma tiang i..."

Nai  Ramces : "asing Omak Mittop on, holan na birara on, margait do ittor muruk… eeiiikkkkkkk…."

Omak Mittop : "margait nimmu alai dihatai hamu KAWASAKI NINJA, memang si gittal doho"

Nai Ramces : "eeiiikkkkkkk…. jangan ke-pede-an kau ya Omak Mittop , dang KAWASAKI NINJA di GARASI i, KAP 70 do Parkir disi asa diboto ho, ipe naung KEMPES do BAN na,  eeiiikkkkkkk…."

Omak Mittop : "idage…. Tuani dope KAP 70 adong RATTE na, daripada di garasi ni amatam VESPA dang MARRATTE…
Makana garasim bereng, unang garasi ni halak Tikkir, puihhhhhh…"

Nai Ramces : "eeiiikkkkkkk….parbada, dang adong Manikkir garasim au da, unang marganjang dila ho, garasim do talak talak dang diatturesson ko..."

Ujung na mangamuk ma Bapak Mittop ala gabe marbadai halak i nadua :  "Sundat maronan, beta mulak….Mulakkkkkkk..!!! dang adong ila muna marbada di onan.
Lak HU BAKKAR ma annon GARASI on asa bulus…. HU BAKKAR MA ? heee... alausi hamu.. HU BAKKAR MA GARASI on...

-----00-----00-----00----//

HeHeHeHe…Unang ditarik tu na roa da, na lagi kumat do rittik ku sanggombas on dabo.
Jadi asa unang naik tensi ku makana manggaor dodak jo au.
HeHeHe….😜😃😉

-DUNGO I AU JAM 5-

Disada tikki dabo kale asa diboto hamu, marbada ma Bapak Mittop dohot Omak Mittop, hape masalah sepele do pala ma gabe bada.
Na martaringot do Omak Mittop tentang masa lalu na tu hallet na naujui, ima Marga Sinurat par Medan i, hape dang na apala cerita manang aha dabo kale alai tor kumat dele dele ni Bapak Mittop on, gabe ala ni ima halak i martokkar.

Nga saminggu halak i dang marsipakkulingan…

Inna roha ni Omak Mittop :
“maup ho… haru munggil ho dang olo au mangattoi ho parjolo, age bereng au dialo alo ho, lah sataon on pe dang marsipakkulingan hita dang padulikku disi…”

Bapak Mittop pe inna roha na :
“age unang… naeng au inna roham parjolo ? ihhh tidak lah ya. Molo na mangan ido dianggarhon ko marserak rumah makan babi panggang di kota Siborongborong on…”

Ima.. songoni ma torus nga apala lewat saminggu tong ESKETE halak i, modom pe tong ma LAGA TANGGURUNG.

Pas ma nga potang ari, mulai ma songon na busesaon Bapak Mittop, Hape SOGOT adong urusan ni Bapak Mittop dohot tokke na tu Medan.

nga didok tokke i buti : “jam 6 manogot nga berangkat hita, paima hian ma hami di sirpang, pokokna molo dang adong ho sappe jam 6 lewat 5 di sirpang hu tadingkon maho…”

Bingung ma Bapak Mittop, inna rohana “boha ma parpodom mago songon au on dungo jam 5 ? aiabaggg… haru jam 8 pagi boi iba dungu ala naung dipalu Omak Mittop do music Mamumere full volume”

Marpikkir ma Bapak Mittop boha carana asa unang tarpodom ibana ollak ni jam 6, alana molo sanga ditadingkon tokke ibana ikkon terancam ma karir na….

Uppsss….!!!
Toppu ma mekkel supping Bapak Mittop, ulalaaa… ad aide cemerlang….

Pittor lao ma Bapak Mittop tu kamar ni si Mitttop, dibereng ibana meja belajar ni si Mittop.
Dibuat ma bukku si Mittop sallebar dohot PITOLOT.
Disurat Bapak Mittop ma Buti : “Dungoi au sogot jam 5, naeng lao au dohot tokke tu Medan. Awas molo dang didungoi ho au, Titik ….!!!!

Dungi di tempelhon Bapak Mittop ma HAROTAS i di kassa ni Lamari di Kamar, Alana diboto Bapak Mittop holan di jolo ni Kassa ido Omak Mittop mempercantik diri molo sidung Maridi.

Dapot ma Borngin, modom ma nasida, tong dope LAGA TANGGURUNG, sandok nga hampir dua minggu be PUASA TOTAL akka bangso i.
Siboan nipi na be ma halak i nadua saborngin i….

Dung manogot Dungo ma Bapak Mittop, dibereng ibana ma sian ventilasi kamar nga tiur ari. Tor hiccat ibana alai tarbereng na jam dinding nga di angka 8 lewat 5.
Emosi ma Bapak Mittop naeng mamuruki Omak Mittop, inna roha na “anggo on jadi ma bada bolon dalan sejarah parrumah tanggaon ta… age bereng…”

Hut hiccat Bapak Mittop on, hut ibereng ibana di kassa lamai i adong 5 lebbar nai harotas ditempel asing ni harotas sinabudari i.

Pittor dibereng Bapak Mittop ma harotas i, dijaha ma na tarsurat di harotas i, buti :

Harotas 1 : “nga jam 5, DUNGO HO…”

Harotas 2 : “jam 5 lewat 10, DUNGO HO…”

Harotas 3 : “butul do parpodom mago ho…nga jam 5 lewat 15, DUNGO HO…”

Harotas 4 : “nga tonga 6, naso jadi doho lao dohot Tokke mi ?”

Harotas 5 : “maup ma ho, nga jam 6 hurang 10 lak renge ho torus, lok ma ditadingkon tokke mi ho Kalapa”

Sip nama Bapak Mittop manjaha surat i, Dang boi be iban “berkata kata”.
kecewa ibana alai tudise ma panombosan na ?
ujung na di tunjang ibana ma Pittu kamar maccai gogo.

Pittor dibege ibana ma suara si Mittop sian dapur :
“nga lima hali didungoi oma bapa alai dang marna dungo bapa,
nga lao omak belanja tu pajak Siborongborong,
alai ninna oma nakkin MOLO ADONG KEBERATAN NI BAPA TARSINGOT TU DUNGO JAM 5 I, TEMPEL MA MUSE DI KASSA I ASA BOI DIALUSI OMA ANNON”

----00----00----00----00----00----

Copyright 2017 – Marulak Sinurat

http://marulaksinurat.blogspot.co.id 

-MARUKKOR-

Disada ari, hundul ma si Mittop marangan agan dijolo ni jabu….

Inna rohani si Mittop : “boasa ma sai marbadai Bapa dohot Oma ? sai hira huting dohot biang dang hea domu. Sama sama cinta ninna alai sai holan na gaor. Satokkin marbada, satokkin nai marsiranggutan…”

Hape dinamarangan agan i si Mittop, lewat ma si Hotlan. Lak digora si Mittop ma ibana huhut ma gabe marnonang halak i. marcerita ma si Mittop tentang ke “GALAU” ni rohana ala sai martokkar bapak dohot omak na.

Si Mittop : “mahua ma naeng ateh… aha ma boccir ni i ? sipata inama gittal ni bapakkon marsiranggutan, ai tokkin nai nga marbada nasida, ah amang naeng nidok pe hata niba sobinoto aha dokkonon Alana dang binoto pokok permasalahan…”

Hotlan : “permasalahan ? pokok permasalahan do maksud mu ?

Si Mittop : “olo… boccir na…”

Hotlan : “eehhh gampang doi kale, unang pola bingung ho kale…”

Si Mittop : “songon dia cara na mamboto pokok permasalahan i kale ?”

Hotlan : “annon bodari, pas tonga borngin intip ma bapak mu di kamar kale”

Si Mittop : “bahhh… maup… aha do maksud mu kale ?

Hotlan : “sian kamar do segala sesuatu dimulai kale, haru akka na demon demon di Jakarta an tong do sian kamar na be dihatai..”

Si Mittop :” Toho doi kale ?

Hotlan : “toho hian… bahh sadihari ma hata ku dang marmusmus kale ?  pokokna segala hangoluan di portibion sian kamar do di mulai, intip ma budari asa diboto ho pokok permasalahan na…”

Tap mai….
Dapot ma borngin,dang sabar be si Mittop paima tonga borngin, sangaja do ditahan si Mittop dang modom asal ma diboto aha namasa.

Teng…..!!! pas ma jam 12 borngin….
Pittor sesep ma si Mittop mardalan doppak kamar ni Omak na. danget dibereng si Mittop dinding kamar alai so adong na matobbuk. Sian dia ma mangintip ? so adong lubang ? heemmmm gawatttt….

Di lului ibana muse, di cekker danget danget. Upsss… !!! dapot sada lubang doppak beroti ni kamar. Pittor semangat ma Si Mittop lao mangintip aha namasa di kamar.
Dipitpit si Mittop ma simalolong hambirang na asa takkas na mangintip i, di panotnoti sian lubang i alai so adong manag aha pergerakan dibagas kamar. Modom do bapak na dohot omak na. normal do, dang adong na porlu dipertanyakan.
Inna roha ni si Mittop : “kurang ajar, dikarejoi si Hotlan au, iada ma hutaonton dang modom sappe tonga borngin holan naeng mangintip, haru aha pe so adong, JONG do !!!
butul do na kalapaon si Hotlan on, age bereng sogot da…mallapak maho”

Pittor merhet ma si Mittop naeng modom tu kamar na, alai toppu tarbegei ibana sesuatu..
Ditangi tangi si Mittop ma soara i, hut di intip muse tu bagas kamar. Renge do modom bapak na dohot omak na alai MARUKKOR nasida nadua.

Hemmm…. Senyum senyum ma si Mittop merasa dapot na do alus ni sukkun sukkun di rohana mengenai pokok permasalahan i.

Dibege ibana ma bapak na MARUKKOR : “herrggg…haaa…herrggg…haaa…HUSOKKO…..”

Dungi dibege ibana ma UKKOR ni omak na : “herrggg…haaa…herrggg…haaa…HUSAKKO…..”

Inna roha ni si Mittop : “heemmm… on do hape POKOK PERMASALAHAN i…leak do hape”

Dibege si Mittop ma lamu gogo UKKOR ni halak i, bersahut sahutan maradu lubba balga hosa. Soppol ma kamar i dohot UKKOR ni nasida

MUKKOR bapak Mittop : “herrggg…haaa…herrggg…haaa…HUSOKKO…..”

MUKKOR muse omak Mittop : “herrggg…haaa…herrggg…haaa…HUSAKKO…..”

MUKKOR bapak Mittop : “herrggg…haaa…herrggg…haaa…HUSOKKO…..”

MUKKOR muse omak Mittop : “herrggg…haaa…herrggg…haaa…HUSAKKO…..”

Inna roha ni si Mittop : “haru magulang pe dolok dolok an dang na romantis be hamu, ikkon na sai guttur nama hamu tiap ari.
boha ma attong ? HUSOKKO inna bapa, alai tor dialusi omak on do HUSAKKO.
Nga di GORA, di ARBISHON…
di GORA, di ARBISHON muse..
boha ma naeng domu ?
Ahhh amang ondo hape POKOK PERMASALAHAN na saleleng on sai gaor.
-----%-----%-----%-----%-----%-----%-----

HaHaHa… baen hamu UKKOR mu dabo akka dongan….!!!

Copyright 2017-Marulak Sinurat
http://marulaksinurat.blogspot.co.id  

Note :
-MUNGKOR (baca MUKKOR) atau MARUNGKOR (baca MARUKKOR) atau UNGKOR (baca UKKOR) adalah bahasa BATAK yang dalam Bahasa Indonesia artinya MENDENGKUR atau MENGOROK
-Kata lain yang Hampir sama tapi artinya berbeda adalah MANGUNGKOR (baca MANGUKKOR) dalam bahasa Indonesia artinya MENYELAM

-OMAK MITTOP SI CANTIK MANIS-

Disada botari na maccai uli….

Dung sae Omak Mittop maridi pittor marsolek ma ibana ala baru manuhor make-up baru ibana sian Nai Herpine, alana attong baru dua minggu on marbisnis sampingan ma Nai Herpine manjual peralatan kosmetik sian salah satu merek MLM.
jadi asa hatop lakku jala hatop naik lavel na dipangaleani Nai Herpine do sude akka ina dohot anak boru dongan sahuta di Siborongborong an makredit manang macicil sappe 5 hali cicil,
Omak Mittop pe ittor manuhor sada set ma ala mura inna rohana, hape molo ditotal do harga cicilan 5 hali i nga boi hian manuhor dua set.

Inna roha Omak Mittop : "dang pola boha i, asal ma Bagak jala Menarik au dibereng Bapak Mittop, unang holan minum Tuak ibana, sahali sahali asa terpesona jo ibana mamereng au, asa lokkot jo ibana dijabu sadari manipat.

Jadi ditikki na marsolek on Omak Mittop, pas ma mulak Bapak Mittop. pittor semangat ma Omak Mittop mempromosikan diri..

Omak Mittop : "bahhh… naung mulak do Papah..."

Bapak Mittop : "asing… na tenggen doho... ? mulai nandigan ho manjou Papah tu au... ? manang na songgop do sian hariara an ?

Omak Mittop : "ahhh.. ho nian pah… lak so adong romantis mu apala saotik (huhut digoit osang ni Bapak Mittop),
ihhhh Papahhhhh…"

Gabe marpikkir dibagasan roha ma Bapak Mittop, Ninna roha na :
“heemmmm nga kode alam be on…”

Omak Mittop : "bereng jo Papah…. Baru manuhor produk kecantikan au sian Nai Herpine, boha dibereng ho Obut hu papah…. ?

Bapak Mittop : "bah tutu bagak nai… ai hira Cencen umur 17 taon dope ho hape hasian..."

Omak Mittop :
oh my God… papahhhhh….
(inna roha Omak Mittop “nga hona be si Papah… ikkon terpikat ho hubaen, ikkon klepek klepek jo ho”….)

Lamu percaya diri ma Omak Mittop, ninna ma muse :
"molo Bohi ku boha dibereng Papah?"

Bapak Mittop : "wehhh bagak nai hape Bohi mi Omak Mittop, nga sai hira Cencen 18 taon ho…"

Omak Mittop : "ciyussss pah.. ? aahhhh si Papahhh…."

Marputor ma muse Omak Mittop genit genit manja dijolo ni Bapak Mittop, inna roha ni Omak Mittop :
“dang sia sia hape manuhor badak nata pe 5 hali cicil….”

Didok Omak Mittop ma muse :
"Pahhh… molo Body ku songon dia Pah...?"

Bapak Mittop : "woowww… mantap nai puang, nga sai hira Cencen 19 taon ho, hira tikki pertama hutanda pas dirabba rabba an najolo…"

Lamu salah tingkah ma Omak Mittop….
Putar ke kiri Putar ke kanan Manise…
maju mundur maju mundur chantuik chantuik sai hira si syahrini…

Pittor ngelendot ma ibana tu abingan ni Bapak Mittop sambil berkata Manja :
"ahhh Papahhhh… gabe mallabak-labak jantung ku… berarti OVERALL boha do penampilan ku dibereng Papah.. ?"

Bapak Mittop : "aha muse artini OVERALL on ?"

Omak Mittop : (huhut manggoit gotting ni Bapak Mittop dengan manja) SECARA KESELURUHAN boha do dibereng Papah Penampilan ku.. ?

Bapak Mittop :  "obut mu sai hira Cencen 17 taon, Bohi mu sai hira Cencen 18 taon, Body mu sai hira Cencen 19 taon, jadi OVERALL sai hira ina ina 54 taon… asa diboto ho…
sok cantik ho sai marsolekki, tung haru Pinahan an jo lean mangan ?

Omak Mittop : "Bursik ma ama ama songon ko, dang olo au mangalean mangan Pinahan.. ho mangalean…
Lak so boi do iba merasa cantik dibaen ko... san ko...."

Pittor hiccat ma Omak Mittop tu kamar Huhut marbete bete :
"ama ama ni halak dipuji do inatta na, hape bursik ma amatta niba dang adong Romantis apala saotik…
ooo nasib... aha do nipi ku naujui...
boasa ma dang hu oloi tikkini Sinurat par Medan an… eeehhh sabbor ma Bapak si Mittop on…"

Bapak Mittop : nungga be… bagak do ho… lean ma mangan Pinahan an..."

Omak Mittop : "Preeettttt…tiop ma tiang i"   

---------------------------------------

-OPERASI TUMOR-

Jadi disada tikki, marsahit ma Bapak Mittop…
Ninna doktor di Siborong borong on sahit Tumor do, jadi disaranton doktor ima asa bulus tu Medan ma diboan Bapak Mittop on operasi.

Jadi dung tektuk tusan tuson mangurus segala keperluan borhat ma Bapak Mittop dohot Omak Mittop tu medan, naik motor ALS do halak i.
ia si Mittop Hasian na tinggal ma di Siborong borong ala na puang naing marliturgi horong 1 do ibana dua ari nai, lok majo oppung na mangurus si Mittop apala saminggu on.

Inna roha ni Omak Mittop :
“toe ma dang pola sai dohot si Mittop tu Medan, dang pola porlu boto on na naeng operasi tumor bapak na, ai muse nga nituhor baju natal na marcillong cillong, lok ma asa semangat ibana marliturgi horong 1, ehh tahe Bapak ni si Mittop on pe pulik ma mandapotton natal marsahit.. ahh tahe…”

Tap mai…
Dung sahat di Medan pittor diurus Omak Mittop ma segala administrasi, pittor hatop do ditangani doktor jala pittor dibaen ma jadwal operasi tolu ari nai.

Jadi dung dapot ari na Operasi, hobas ma sude akka doktor na menangan.

Dihusippon Omak Mittop ma : “porsea ho Pak’’ek ikkon dengan dengan do sude, unang mabiar ho”

Bapak Mittop : “dang mate au kan mak’’ek ?

Omak Mittop : “aahh amang… naeng operasi doho, marhua ma mate ho ai jago jago do doktor di Medan on…”

Diboan ma Bapak Mittop tu kamar operasi...
Dung hira hira sajom lobi, di jou doktor ima Omak Mittop…

Ninna Doktor ima :
“ibu… kondisi suami ibu baik baik saja, sekarang sedang dalam pemulihan, Oh iya.. ini tumor yang kami angkat dari perut suami ibu, berat nya 2.5 kg..”

Omak Mittop :
“amang tahe balga nai… sai hira kalapa, na hurippu do salelengon BUCCIT alani TUAK Bapak ni si Mittop nami on… hape na tumor do dibutuha nai…”

Doktor : “untung segera ditangani, jika tidak bisa beresiko fatal…”

Omak Mittop : “mauliate ma… terima kasih lah amang doktor…”

Jadi saminggu ma halak i di Rumah Sakit di Medan on opname, dung i mulak ma nasida alana nga masihol nasida mamereng si Mittop. Tong ma naik motor ALS halak on, bohama alani sibaenon do naso adong…

Tap mai…Sahat ma nasida di terminal Siborong borong.

Omak Mittop : “mar bessa ma hita pak’’ek asa hatop, nga loja hian dagingku, dang sabar be au paimahon motor sewa..”

Hape pas muse pittor roma bessa…

Omak Mittop : “bahhh ai ho do hape bapak Milanta, beta tu jabu… sadia ?

Bapak Milanta : “15 ribu ito…”

Omak Mittop : “ahh ho nian sai hira halak, tor 15 ribu do nimmu… beta ma bete…”

Ujung na sahat ma halak i dijabu, holan masuk nasida pittor galpang ma nasida alani lojana hape akka tas dohot akka siguddel marserak dope…Lak gabe tarpodom ma nasida !!!

Dungo ma halak i jam opat potang, pittor dihobasi Omak Mittop on ma akka tas dohot siguddel na marserakan, alai hira adong na hurang inna roha na

Omak Mittop : “eee pak’’ek… didia palastik na birong i ?

Bapak Mittop : “uwehhh.. ho do nakkin maniop barang barang, holan foto ronsen dohot akka surat surat do nakkin hutiop..”

Omak Mittop : “bahhh…na tading do nakkin di bessa ni bapak Milanta naeng ?

Bapak Mittop : “palastik nabirong inganan ni tumor ido ?

Omak Mittop : “olo… asa hutanom jo tumor mi, datung mungkin nibolokkon tu bondar an..”

Bapak Mittop : “uwehh tahe… olo mara tading di bessa ni bapak Milanta nakkin…”

Omak Mittop : “attong dijabu joho pak’’ek… asa hudapotton jo bapak Milanta, nang pe tumor i alai ikkon denggan do tanomon ta…”

Ujung na lao ma omak Mittop naeng mandapotton bapak Milanta, hape pas muse ma di kode ni Nai Ramces ibana rappak dohot akka ama na asing, biasa ma sore sore marmitu, istilah akka pemain digoari mai TUSOR…

Omak Mittop : “uwehhh bapak Milanta… manukkun majo au, na tading do nakkin palastik nabirong di bessam ?”

Bapak Milanta : “ido ito..”

Omak Mittop : “attong dia ma…”

Bapak Milanta : “age jo ito… hugatti pe ito… unang muruk ito da…”

Omak Mittop : “asing… aha gattion mu, palastik na birong ido hupangido…”

Bapak Milanta : “sattabi ma ito, hu gatti pe. ai nga naing hutaruhon nakkin, nga hupangolu bessa ku, hape pas lewat sian kode Nai Ramces on hubereng nga rame akka dongan jei dang jadi hutaruhon…”

Omak Mittop : “ai aha do maksud mu bapak Milanta ? na tudia do dibolokkon ko palastik na birong i ?

Bapak Milanta : “age jo ito… hu gatti pe… maaf majo bah ito… sadia sakilo kalihon ma hugatti pe…”

Omak Mittop : “ahh naung mabuk doho… sai hugatti nimmu, palastik na birong ido naeng hubuet..”

Bapak Milanta : “buti do ito… ala rame akka parmitu sadari on pittor habis tambul ni nai Ramces, jei huingot jagal muna tading di bessa ku, jei ima dihatai hami lok ma annon hugatti hami, naung dos do roha ni akka ama on sude”

Pittor makkatai ma Nai Ramces :
“pas muse habis tabbul hu Edak, ai boha ma nga marmulakan akka pangaratto attong….”

Omak Mittop : “Maksud mu aha Nai Ramces ?’’

Nai Ramces : “eehh tahe Edak kon ahh, hu tibbang do nakkin Edak 2.5 kilo…
eehh hamu akka ama i tektekan hamu, ikkon tanggung jawab do hamu…ai hamu do nakkin mandok karejoi”

Omak Mittop : “jeiii…palastik i…?

Nai Ramces : “nga hu goreng be Edak gatti ni PINGGOL PINGGOL…”

Omak Mittop : “amang matte ki jo…. Maup ma tali ni timba…”

Bapak Milanta : “on ma ito… unang muruk ho… 2.5 kilo nakkin, nga hupasson hami 30 ribu sakilo.. on ma nah ito nga digonophon Ama Dorantes muse gabe 90 ribu…”

Omak Mittop : “amang mate ki jo…. Diboto ho do bapak Milanta ? saminggu  hami dang di jabu, na tu Medan do hami marubat, Operasi Bapak ni si Mittop… adong tumor dibutuha na…”

Pittor puccat ma Nai Ramces mambege :
“amang oppung… Edak…. Jei maksud mu Edakkkkkkkkk…..”

Omak Mittop : “na digoreng mi, si 2.5 kilo i… ima TUMOR ni Bapak Mittop. Na naeng tanomon ku do nakkin hape lak digoreng hamu gabe TAMBUL….”

Mambege hata ni Omak Mittop i lak gabe muta uta ma sude….
uweeekkkkkk…Uweeekkkkkk….

Mangamuk ma Ama Dorantes :
“baba mi pak Milanta… kurang ajar… nga hudok nakkin dang jagal babi i alai sai teal babam mandok JAGAL BABI ROMBENGAN doi…. Uweekkk……!!!! Hupamate ma ho… Uweeekkkk…..!!!

HaHaHaHa.....😝😜


Karya Marulak Sinurat.
Cerita ini terinsfirasi dari Kedai Tuak di Tanjung Morawa.

Note : molo natua tua ni halak Batak mandok Dokter, Doktor do

-Bahh....Marga Pakpahan do ?"

Jadi molo adong sipata cerita humor hu na menurut akka dongan agak melenceng unang jo pittor muruk ateh, holan sekedar cerita gaor ngolor ngidul do i asa unang pa-stres hu hita mamikkiri parngoluan on. Apalagi sipata nga loja utok utok mamereng akka namasa on.

Jadi…. huceritahon ma di edisi sigaor dodak on, Ia Bapak Mittop naujui adong do tihas bawaan lahir ima tupihon (maaf da) nga dioperasi nian sahit na on, jala nga malum be, dang pola tanda be berengon, alai soarana tong dope sengau, so huboto aha bahasa batak ni sengau on, toe ma naung dos mai ateh…..HeHeHe...

Piga taon na salpu disalah sada Gareja di Siborongborong dipillit akka ruas ma Bapak Mittop on gabe Sintua.
Alai nang pe Sintua Bapak Mittop on holan parhobason tu durung durung do tugas na, somal na do diganup ganup ruas sai adong do namarhobas  khusus manang na papungu pelean ma i, manang na pamalu giring giring dohot akka na asing dope akka pakkobasion…

tap mai.....
Jadi disada tikki pas ari Minggu dijou Porhangir ma Bapak Mittop tu bilik parhobasan…

Porhangir  : "buti do amang… alana amang Sittua paragenda dang ro anon, Marsahit amang i,  jadi amang majo manggatihon sadarion gabe paragenda ate..."

Bapak Mittop : "agaiabagggg… dang tohap au amang…" (mandok dang tolap)

Porhangir : "bahhh… datung mungkin dang adong paragenda amang..."

Bapak Mittop : "iho nian, ahai boha hama on amang… hang hea hope au mahagedda..." (ido nian, alai boha nama on amang, dang hea dope au maragenda)

Porhangir : "pos roham, boi do i amang…. akka na asing ipe na marsiajar do asa boi"

Bapak Mittop : "oho amang… ihe taho…" (olo amang… ipe taho)..

Alai molo dirohani Bapak Mittop on nga sai makkitiri…boha ma naeng..? boi do au...? agaiabagggg…sotung sala sala au mambassa....hitir hitir duguldugul hu….agaiabaggg...."

Dapot ma jam 10 pagi…
Makkuling ma giring giring… teng..tong….teng…tong…
Masuk ma parmingguon…

Pittor jongjong Bapak Mittop tu langgatan , di sitel ma mik on asa pas tu ibana.
Hohom ma sude akka ruas…
Dung dibereng Bapak Mittop rade sude pittor dimulai ma manjaha dengan suara yang nyaring…

Bapak Mittop : "hapukka ma masuk mahedde ma hita sian Buku Ende No. 211 
Tuhan Jesus SIPAKPAHAN au bihu bihu na do…"

---las ha endehon ma---

Pittor diendehon akka ruas ima songon natarsurat dibukku logu No.211 i hape sebagian ruas kasak kusuk marsiberengan kiri kanan....

Hape dibarisan bangku Koor Ina, Pittor ninna sahalak ina ina ma tu hambirang na :
"age Eda… marga PAKPAHAN do hape Tuhan Jesus i.. amang jo puang.. baru huboto.. mauliate ma Tuhan ai marga Pakpahan do hape ho Amang…amang tahe denggan nai nasib hi tubu sian marga PAKPAHAN au Edak..."

Dibarisan par Koor Ama pe pittor minar ma bohi ni sada Ama jala ninna tu donganna :
"amang jo lae,, baru pe huboto ai marga PAKPAHAN do hape Tuhan i, hurippu do selama on dang marmarga… amang jo.. mauliate ma Tuhan… beruntung nai au gabe marga Pakpahan on dabo"

Ro ma dongan non ninna ma :
"tabo ho lae.. sa Marga ho tu Tuhan i, martua ho"

Tor ro ma si Mittop na sian nakkin sai sip, ninna ma tu Omak na :
"ehhh amang, aut sura hian ma marga PAKPAHAN bapak ku... tabo nai jo akka marga Pakpahan on omak"

(hape sasittong na maksud ni Bapak Mittop i on do : "tapukka ma masuk marende ma hita sian bukku ende No.211 Tuhan Jesus SIPARMAHAN au biru biru na do….)

ingot da dongan... SIPARMAHAN do, dang SIPAKPAHAN da...

HEHEHE... Holan humor do on ateh akka dongan, dang adong lapatanna... holan asa unang tok do utok utok mamereng akka namasa on..

Horas ma akka marga Pakpahan, traktir hamu jo au makan bakso alana sahali sahali dabo HaHaHa

-TARIK TOLU-

Jadi disada ari Minggu, lao ma Bapak Mittop, Omak Mittop dohot si Mittop tu gareja.

Tarik tolu ma halaki markareta Alana nga di kredit Omak Mittop muse kareta sian sorum di Siborongborong…

Hape dipardalanan disetop Polisi ma halak i…

pittor mabiar ma si Mittop : "agaiabaggg… nga ditakkup  polisi be hita Oma… agai dipenjara nama hita"

Omak Mittop : "aahh sip ma ho… na heperan ho ahh…"

Pittor ninna Polisi i ma : "selamat pagi pak…"

Naeng dialusi Bapak Mittop do,
alai pittor parjolo ma Omak Mittop mangalusi, ninna : "selamat pagi Bapa… aha ma sala nami bapa…"

Polisi : "kenapa bonceng tiga Ibu, tidak boleh tarik tiga… ?

Omak Mittop : "agaiabaggg bapa… datung mungkin anak hasian nami on mardalan pat hape hami markareta.."

Polisi : "tapi itu tidak nyaman kepada anak anda.. dia akan terdesak sempit diantara bapak dan mamak nya… itu membahayakan.."

Pittor dialusi si Mittop ma : "daong Tulang… dan terdesak au… biasa do hami soppit soppitan dijabu tulang"

Inna roha ni Omak Mittop : (bagus Mittop.. dang songon bapak mu parsipsip manguloki… bagus..itu baru hasian ku..)

Polisi : "Ibu tau kesalahan ibu yang lain ?

Omak Mittop : "daong Bapa… tidak… aha ma bapa ?

Polisi : "Ibu saya tilang ya…"

Omak mittop : "agaiabaaaggg bapa on… apala naeng tu gareja do hami bapa, pala ma tilangon ni bapa. amang....Asi jo rohani bapa…."

Polisi : "Ibu tidak pakai helm.. ini pelanggaran fatal…jadi bukan hanya tarik tiga masalahnya, tapi juga tidak pakai helm"

Omak Mittop : "olo bapa… sahali nai mar helm pe au bapa….
Tolong jo bapa unang tilang hami bapa, naeng tu gareja do hami bapa.."

Polisi : "tidak ada kompromi ibu…"

pittor Omak Mittop ma ma tu Bapak Mittop : "unang sai sip ho sai hira patung,bijak ho saotik bapak Mittop, pittor lean 20 ribu…"

Hape debege Polisi i, jadi ninna polisi i ma : "ini pelanggaran Ibu, tidak ada kompromi.. ibu saya tilang..."

Omak Mittop : "amang jo kejam nai bapa… mitta tolong jo au bapa… agaiabaggg ahhh....
apala naeng tu gareja do hami bapa, Sahali nai hupakke pe helm hu bapa"

Dibukka polisi ima bukku tilang jala ninna ma : "ibu tetap saya tilang karena melakukan pelanggaran tidak memakai helm…"

Omak Mittop : "bapa.... amang jo...."

Polisi : "tidak ada kompromi ibu, tetap saya kenakan tilang...

Pittor naik ma tensi ni Omak Mittop, ninna ma : "hee… gabe lomo lomom do.. dirippu hodo negaram Siborongborong on ? mangasangi ho dison... heee..."

Polisi : "tetap Saya akan tilang, tidak ada kompromi…"

Omak Mittop : buti mai bapa…(huhut dibukka omak Mittop ma helem ni bapak Mittop)
Nahh bapa tiop helm on…tiop.....

Polisi : "untuk apa saya helm suami anda ?

Omak Mittop : "pasang majo helm on tu ulu ku, molo boi do dipasang ho, tilang pe taho hami, pejjara pe taho hami, peduliku i..hatop pasang…. pasang ma helm on tu ulu ku... hatopppppp..."

dicuba polisi i ma mamasang helm i tu ulu ni Omak Mittop alai dang boi…

dipaksa tong dang boi masuk..

dipaksa sahali nai pittor menjerit omak Mittop ala hacciitan : "danget danget pamasuk oto.. dirippu ho dang haccit…"

tong dicuba polisi i sahali nai mamasang helm i tu ulu Omak Mittop alai tong dang boi..

Ninna Omak Mittop ma : "Boha ? boi do bapa…? sai naeng lomo lomom do manilang halak, nga nidok naeng tugareja do hami najugulan ho. dirippu ho do boi masuk helm molo MARSANGGUL, naso ho do ina ina dang dihilala ho boha NA MARSANGGUL. naing lomo lomom do. beta pak Mittop, tarlambat anon hita…"

Pittor lao ma halak i, alai sanga dope marepet sahali nai Omak Mittop :
"tiop ma tiang i, dirippu hodo tabo tabo na MARSANGGUL on, diho ma tilang mi. roho sogot tu jabu ku asa hupasang sanggul mu, asa dihilala ho songon dia daini NA MARSANGGUL"

😄😃😀

-UNANG GUGAI DAKDANAK MARSIAJAR-

Disada borngin Belajar ma si Mittop diruang tamu. 

Hape Omak Mittop pe lagi asik manonton sinetron Turki "Elif". 

Si Mittop : "ai pagelleng jo suara Tivi i oma, naeng belajar au, ulangan sogot'

Omak Mittop : "boasa dang dikamar ho belajar amang ? 

Si Mittop : "aahh oma on nian, boha do naeng belajar dikamar ai lappuna pe 5 watt. 
Nga hudok tu oma gatti ma lappu i, alai sahat sadari on dang digatti"

Omak Mittop : "eehhh tahe... aut boi ma nian mar-headset manotton tivi on asa puas iba...
Toe ma belajar ma ho amang, hupagelleng pe"

Lanjut ma muse belajar si Mittop... 

Hape toppu ma muse ro Bapak Mittop sian Lapo ni Nai Ramces... 

Bapak Mittop : "bahhh nabelajar doho amang..."(Ninna huhut hundul dikarosi)

Si Mittop : "ido bapa, ulangan sogot"

Dang piga leleng dohot ma Bapak Mittop manotton Sinetron "Elif" on, Asik ma halak i nadua manotton.  Ala ni asik na pas naeng marisap Bapak Mittop on hape habis sigaret na. 

Pittor Ninna tu si Mittop : "tuhor jo sigaret ni Bapa ne.. "

Si Mittop : "ahhh.. Marsiajar au bapa..."

Bapak Mittop : "lao jo ne.. Lojongkon tokkin...diho saribu nai balikna"

Si Mittop : "marsiajar au bapa.. amang jo ah bapa on..., ulangan sogot"

Bapak Mittop : "ai najugul ma on, alapon jo tokkin, Diho anno balikna saribu nai.."

Si Mittop : "atong nion saribu hulean tubapa, alap ma ne..."

Bapak Mittop : (huhut manonggak) "bahh... Gabe ho mangatur au ate... Nga hebat ho ate..." 

Ittor turun tangan ma Omak Mittop, ninna ma : 
"hodo naloakon Bapak Mittop, nga dibereng ho
marsiajar gelleng mu lak disuru ho manuhor sigaret, Sai naeng monang mu do...
HO DO MANGOCCOP ba HO ATTONG LAO MANGALAP !!""

Ittor sip ma Bapak Mittop huhut lao.... 

#ido tutu ate akka Ama i, unang sai holan guru dok ta hita baen, unang ma nian "kekuasan" ni akka ama i mencabut HAK anakkonna, ikkon ma nian dipertimbangkan tong mengenai HAK dan KEWAJIBAN masing masing.... 

#semoga bermanfaat
copyright 2016 - Marulak Sinurat

-BERAT BADAN-

Disada tikki marsahit ma Omak Mittop… 

Jadi diboan Bapak Mittop ma marubat tu dokter ternama di kota Siborongborong, on ma apala dokter paling laris manis di kota on. 
nga halakna gatteng, timbo, bontar, burju muse, pokokna dang piga dokter songoni di Siborongborong nabalau on.
goarna dr.Lambok Manjungkit Selalu Setia Selamanya.

Sahat ma halak i ditempat prakter dokter on, pittor dibukka satpam ma pintu huhut ninna :
"Selamat datang di praktek dokter Lambok Manjungkit Selalu Setia Selamanya, silahkan Bapak.. ibu…"

Pittor masuk ma halak i...
ditogu Bapak Mittop ma Omak ni si Mittop on maccai mesra, sai hira attar attar pasangan pengantin baru ma halak on. Langsung ma halaki menuju meja pendaftaran… 

Perawat : "Mau berobat bu.. ?

Pittor dialusi Omak Mittop : "na marsahit do ho, jei inna roham naeng Berenang do au dison ?

Bapak Mittop : "aahhh Mak’’ek… unang sai muruk muruk ah…"

Inna roha ni perawat i : “ai reteng ma ina ina songon on”…

Dungi ninna perawat i ma muse : "ini nomor antrinya ibu…"

Omak Mittop : "ai dang boi ittor masuk au haro, sai ikkon antri.."

Pittor dialusi satpam nakkin ma : "antri do dison inang, dang boi attong ittor masuk…"

Omak Mittop : "alai au kan marsahit, salah haroa ittor masuk au marubat…"

Satpam : "ai sude do naro tuson marsahit inang, dang adong na naeng “pesen sow” dison…

Omak Mittop : "aahh tiop ma tiang i…."

Tap mai… dung piga leleng di jou ma nomor ni halak i, pittor masuk ma nasida tu biluk….

Pittor disambut dr.Lambok Manjungkit Selalu Setia Selamanya : "apa keluhannya Ibu…?

Omak Mittop : "lemas kali badan ku dokter… sampek gak bisa aku bergerak…"

dr.Lambok Manjungkit Selalu Setia Selamanya : "coba Ibu berbaring biar saya periksa…."

Dipapeak Omak Mittop ma di podoman, jala pittor sigap hian ma dokter gatteng on mamareksa…. 
sabbil ma dipareksa Omak ni si Mittop on huhut ma ninna dokter i : 
"bagaimana dengan buang air besar Ibu ?

Omak Mittop : "biasa dokter… Jongkok…"

dr.Lambok Manjungkit Selalu Setia Selamanya : (tepok jidat…) weh tahe… ai sude so jolma di Siborongborong on molo miting Jongkok dabo inang… maksud saya apakah normal ?

Omak Mittop : "normal dope dokter…"

dr.Lambok Manjungkit Selalu Setia Selamanya : "keras atau …

Omak Mittop : "enggak pala keras dok, tapi enggak pala lembek juga, biasalah kalau dipengang pun masih agak lampot lampot nya…"

dr.Lambok Manjungkit Selalu Setia Selamanya : "heemmmm…. Sudah bu silahkan duduk.
coba ibu timbang badan dulu yah...

Dungi dicatat dokter ima timbangan ni Omak Mittop 59,2 kg…

Ninna dr.Lambok Manjungkit Selalu Setia Selamanya ma muse :
"berdiri bu biar Saya ukur tinggi badannya…"

dungi dicatata dokter ima muse timbo ni Omak Mittop  170 cm…

Ninna dr.Lambok Manjungkit Selalu Setia Selamanya :
"sudah Bu silahkan kembali duduk kembali.."

Dung hundul muse dokter i, disukkun Bapak Mittop ma : 
"apa sebenarnya penyakit Istri Saya ini dok.. ?

dr.Lambok Manjungkit Selalu Setia Selamanya : "tenang aja pak, tidak ada yang perlu dikawatirkan"

Bapak Mittop : "tapi kenapa Istri saya lemas aja bawaannya dok, sudah seminggu dok, entah kekmana pun dok… gale gale torus… ngapain pun gak mau…
sampek lah sudah ku kasi kemarin Istri Saya ini minum SUP ULOK dok, sengaja pulaknya itu aku pesan dari belakang terminal Siborongborong, mantap kali disitu SUP ULOK dok…maksudku biar panas badannya, biar semangat lagi dia…"

dr.Lambok Manjungkit Selalu Setia Selamanya : 
"jadi dipahabis inatta do Sup Ulok i ?

Bapak Mittop : "habis do dok…karing do di occop,
tapi tetap aja lemas badannya, bawaannya tidur aja seperti orang hamil, kalau hamil tadi tahe masih mending tambah lagi anak ku, ini tidaknya hamil tapi gak bisa ngapa ngapai, jadi marpikkir aku entahnya kena bulle bulle..."

Selama konsultasi halak i nadua, anggo Omak Mittop dipapeak ma simanjujungna tu abara ni Bapak Mittop… lemas hian attong Ibana…hosanna pe malgihalgip…

dr.Lambok Manjungkit Selalu Setia Selamanya : 
"jadi sebenarnya tidak ada penyakit istri bapak ini… semua normal"

Bapak Mittop : "jadi kenapa lemas kali bawaan istri Saya dok… mahua ulaning… unang pola mabiar dokter i paboahon, asa binoto mangalean siallangon natabo tabo…"

Omak Mittop : "Baba mi… dirippu ho nanaeng mate au…"

Bapak Mittop : "dang songoni Mak’’ek, asa semangat do ho.. asa hutuhor annon Jagal Ulok.. Sup Ulok. Manang sapala tu pajak Siborongborong ma au, adong lapo baru disi manjual jagal biawak saba.. na penting sehat ma ho Mak’’ek hasian…"

dr.Lambok Manjungkit Selalu Setia Selamanya : 
"jadi gini Pak… sudah saya periksa semuanya , istri Bapak ini tidak ada masalah apa apa…
tekanan darah oke, gula oke, panasnya oke.. tidak ada masalah Pak… mungkin Ibu ini kurang istirahat aja Pak… 
oh ya satu lagi… Ibu juga harus banyak makan loh biar ideal berat badannya, biar lebih sehat dan semangat.. 
tadi berat badan Ibu 59.2 kg, seharusnya berat badan Normal Ibu yang mempunyai tinggi badan 170 cm adalah 59.5 kg, makanya Ibu harus…

Hape dang sae dope dokter i makkatai pittor jongjong ma Omak Mittop, toppu ma minar bohi na,
Heran ma Bapak Mittop dohot dokter i mamereng perubahan Omak Mittop yang terjadi tiba tiba. 

Dipadenggan Omak Mittop  ma obut na na harhar hira asar ni anduhur… dipature ma abitna….

Ninna Omak Mittop ma : "makana Pak’’ek… hudok do bulan nasalpu tuhor ma Ratte ku, dohot Sibong ku, dohot Tittin ku….
nga tolu hali hudok alai dang dituhor ho, haru dokter diattusi puang boasa gabe ho dang mangattusi..?
ai dang ibege ho nidok ni dokter i ? 
berat Normal hu ikkon 59.5 kg, hape nakkin ditimbang dokter i holan 59.2 kg, autsura ma dituhor ho perhiasanku apala 300 gram nga pas be i, sehat nama au Pak'ek…

dr.Lambok Manjungkit Selalu Setia Selamanya : "bahhh…. Berarti dang namarsahit inatta on, na TARHIRIM do hape… urus hamu nadua mai ate…"

Bapak Mittop : "aiabagggg.... asing asing sahit mu ah...."
-------%-------%-------%-------

copyright 2016 - Marulak Sinurat
#bahagiaitusederhana

-DISKON-

Mulak ma Omak Mittop sian pesta di kota siborongborong, ala adong tetanggana pangolihon anak. 
Hape didalan naeng mulak dibereng Omak Mittop adong Tokko baju diskon besar besaran. 
(bahhh.. Mura nai... Inna rohana...) 
heppot humalaput ma Omak Mittop mulak.
Dung sahat dijabu holan si Mittop do diruang tamu manonton tivi.. 

Omak Mittop : "didia bapak mu ?

Si Mittop : "ipe lao tu Lapo Nai Ramces, ipe hian, dipengkolan an dope i"

Omak Mittop : "hatop alap jo bapam, pamate tivi i, annon ma namanotton i. 
Hatop lojongkon jo Bapam, dok annon malam ma ibana marmitu, hatop.. Sotung sanga sahat bapam tu lapo Nai Ramces, alana molo nga sanga sahat bapam dang tarharap be mulak i, gabe lokkot nama hira Lem"

Si Mittop : "olo oma... 

Pittor lao ma si Mittop marlojong... 
Koccang hian.... 
dibereng ma Bapana nga hampir sahat tu lapo Nai Ramces.. 

Pittor manggora ma si Mittop sian nadao : "Bapaaaaaaaa........

Manaili ma Bapak Mittop, ala dibereng marlojongi si Mittop doppak ibana, so ma ibana...

Sahat ma si Mittop hosa hosa : "Bapa.. Mulak jo inna Oma, adong porlu..."

Bapak Mittop : "bahhh mahua..."

Si Mittop : "hatop ma bapa..."

Pittor hebur ma Bapak Mittop : "beta.. Beta ma.. Hatop... ai mahua ma muse Omak mon, nakkin sehat sehat do..."

Dung Sahat dijabu pittor ninna Bapak Mittop : 
"ai mahua ho mak'ek... Aha namasa ? 

Omak Mittop : "daong pak'ek, annon borgin ma ho minum, sonnari dongani jo au tu kota.."

Bapak Mittop : "marhua tu Kota ? 

Omak Mittop : "adong disi diskon baju besar besaran, mura hian sude argana..."

Si Mittop : "dohot au da oma, tuhor bajukku da oma.."

Omak Mittop : "olo, dohot pe ho hasian..."

Bapak Mittop : "ittor boha mura na ? Paling penipuan doi, ai akka Tokko malo do sonnari on, diskon ninna hape nga dipanaek argana."

Omak Mittop : "daong pak'ek... Mura hian, nga huida nakkin... Jas holan 20 ribu, bayakkon pak'ek 20 ribu... 
nga 15 taon hita marrumah tangga apala jas mu pe so adong, makana biccan mura ikkon tuhoronta do.."

Bapak Mittop : "ahh mura nai...  annon 2 juta, naso dibereng ho dora NOL na tolu nai... "

Omak Mittop : "daong pak'ek... haru saluar gajjang holan 6.500 do, kemeja 3.500...mura hian pak'ek...

Bapak Mittop : "attong beta ma.... alai naik aha ma hita ?

Omak Mittop : "marbeccak ma hita...Beta ma... 

Bapak Mittop : "boasa ma tahe dang digarar ho kredit kareta namasahai, gabe disita sorum ma kan, ujungna dang bebas be hita age tudia.. 

Omak Mittop : "ai ho do, boasa magulang hita tu bondar dang au ditolong ho parjolo, lak ittor kareta mi do diselamathon ho. lok ma marbeccak hita,uttabo do barbeccak, molo magulang hita muse asa dohot parbeccak i magulang... 

Ujungna lao ma halak i tu kota siborongborong, dohot ma si Mittop. 
dirohani si Mittop nga tung massai sonang alana pasti dituhor ma godang baju baru..

Sahat ma halak i dikota siborongborong. 
dung turun halak i sian beccak ditudu Omak Mittop ma tusada toko disebrang dalan. 

Omak Mittop : "an ma ne nadibariba an.. 
Bereng ma nga diskon besar besaran ne... 

alai ala padat dope akka motor dang boi dope halak i menyebrang. 
dibereng si Mittop ma adong goar ni Tokko "Tikaman Cantik Laris Manis", dibereng ma adong tulisan nabalga : JAS 20.000, KEMEJA 3.500, BAJU KAUS 3.000, CELANA DALAM 2.500, KAUS KAKI 1.500....

Didok si Mittop ma : "Tokko an do Oma ? 

Omak Mittop : "ido, ima nadijolotta an. 
ahh... amang  motor on pe nagodangan, lak suddat iba menyebrang... Ahh hatop ma nian kosong dalan on..."

Si Mittop : "Tokko "Tikaman Cantik Laris Manis" an do Oma ? Cet na hunik an ?"

Omak Mittop : "ido... Sabar ma ho, ikkon godang do annon hutuhor bajum, nga mamboan hepeng omak 400 ribu, nga piga goni ma annon bajuta siani"

Si Mittop : (huhut manggaruk ulu.....)
agaiabagggg matekki... dang adong diskon disi oma, dang toko baju i...

Bapak Mittop :  ai ho pe nian Mittop, naso diboto ho do manjaha ? Dang dibereng ho disurathon balga disi JAS 20.000 ?

Omak Mittop : "so binoto si Mittop on ahhh.. denggan ma ho belajar, molo kebutuhan sandang dan pangan mu rade do sude amang...." 

Si Mittop : "agaiabagggg... Matekki mamereng Omakon dabo... 
Naboha nama Oma dohot Bapakkon oppung, dang tokko baju i oma..."

Omak Mittop : "ai aha do maksud mu ? nadirippu ho do Panglong i ? tiop ma tiang i..."

Si Mittop : "dang Tokko i Omak.. LAUNDRY do i... 
Matekki jo mamereng omakkon dabo..."

Bapak Mittop : "aha haroa LAUNDRY on ? 

Si Mittop : "inganan manussi Baju doi Bapa..."

Omak Mittop : "manussi baju ?

Si Mittop : "molo malas Omak manussi, lean ma tu Tokko "Tikaman Cantik Laris Manis" i, diantar halaki do annon tu jabu, nga ias jala huccus baju i dibaen, jala nga rapi digosok, pokokna cillong ma sude dibaen, alai bayar ma sada kaus 3.000"

Sip ma Omak Mittop ala maila... 
Ninna ma : "pas mulak pesta i marmotor au, pas panaikkon sewa nakkin disi supir i, ala hubereng adong LAUNDRY JAS 20.000 husukkun ma supir i aha arti ni LAUNDRY, ninna supir motor i artina diskon, makana hutogihon hamu naeng belanja.

Bapak Mittop : "beta ma mulak,, sai nirippu do toho diskon besar besaran, alai LOAK na do dipabesar... 

Omak Mittop : "aahh sip ma ho pak'ek...  

Si Mittop : "sarupa do Bapa dohot Oma... 
ai bohama tabba parbinotoan ni Bapa dohot Oma ? 
Holan manotton do Oma, ipe  manotton akka gosip do di tivi, akka si Rafi Ahmad do margelleng ditottoni, akka si Nazar namarsirang do diberengi, molo akka artis dohot apala jam piga miting diboto Oma do....
bapa pe holan na di lapo do torus, akka arta ni si Aburizal do dihatai Bapa, piga godang arta ni si Pardede dibahas bapa, rodi didia pe akka kobun sawit ni si Torus pe diboto bapa do.  
ai aha ma attong diboto Bapa dohot oma kemajuan dan perkembangan jaman molo songoni ? 

Ujungna mulak balging ma halaki.....

copyright 2016 -Marulak Sinurat-

-MARONAN-

Jadi disada tikki ditogihon Omak Mittop ma Bapak Mittop naeng maronan tu siborongborong....

Omak Mittop : "dungo jo ho Pak'ek beta jo ... Bocceng jo au tu Onan..."

Bapak Mittop : "hoooaaammmm....  ai hatop mai ahh... Mondok dope iba..."

Omak Mittop : "wehhh amatta on... ai hatop dope haroa jam 8 ? ai nabohado ho ahh... Molo pola do jam 1 belanja holan ikkan dencis nabusuk nama tading... ai sipata hicca jo ho puang, iba jam 5 nga dungo hape ho jam 8 sai marnipi dope"

Bapak Mittop : "aahhh... Amang... ai marbeccak ma ho ahh... ai muse ho do mangalojai au nabudari makana mondok dope au sonnari"

Omak Mittop : "aii naboha do ho ahhh... Tuaha adong Kareta molo tong do marbecca...
On ma torus parbadaan ta ah.  Attong unang pala mangan be hita, dang mangaloppa au,  modom ma hita sahat tu borngin muse asa bulus...."

Bapak Mittop : "ima nian ho, ittor mardaddi do... Lak so boi do marpanganju tu ammattana.. alai nimmu cinta do ho tu au..... Beta mane... Paima jo marsuap au..."

Omak Mittop : "hatop ma, dang pala marsuap pe ho, sai margaya ho torus hape nga apala lobangon ho, lak nonar ma annon ho di onan an"

Ujungna lao ma halaki tu onan....
Maccai mesra ma omak si Mittop on diboccengan, tangan kiri maniop karajjang, tangan kanan maniop gotting ni Bapak Mittop....
(eeessseehhhh sai hira milik berdua ma dunia on HaHaHa)

Hape ditonga dalan, toppu ma hilang keseimbangan kareta on, sobinoto alani mesra ni halak on manang ala na mondohondok dope Bapak Mittop.
Naeng mangelakkon lubang do roha ni Bapak Mittop hape toppu dijolo adong truk nabalga, jadi alani gugup ni Bapak Mittop on pittor buang tu kiri ma ibana...
Marippot ippot ma kareta on lak dabu ma halak i tu Bondar.  Sappat ma halaki tukkap tu gabbo gabbo alai molo kareta on pas ma ditopi ni bondar i gaung gaung...

Pittor spontan ma Omak Mittop mangangguk : "Agaiabagggg... amang jo Tuhan.. Tolong hami.. Padao hami sian parmaraan"

Hape Bapak si Mittop holan gojab pittor jongjong jala dibereng kareta i naeng madabu tu bondar Pittor dilojong Bapak Mittop ma kareta on, dipadenggan ma ingananna. 

Inna roha Bapak Mittop : "tuani ma dang sega kareta on..."

Holan dibereng Omak Mittop nga tuginjang lao Bapak Mittop pittor marbete bete ma ibana, kaluar ma ibana sian bondar i marlaput gambo.

Omak Mittop : "heeee... Ama ama aha do songon ho, sonanggo iba parjolo dilele ho, pittor Kareta mi do dilojong ho...."

Bapak Mittop : "napenting kan selamat ho mak"ek

Omak Mittop : "maup ma ho.. Ukkolongan do roham tu kareta mi ?
Budari kareta mi ma dongan mu Modom, haol ma kareta mi asa bulus...
Roa ma ho,, galpang iba tu bondar nanggo ditolong ho..."

Bapak Mittop : "eehhh tahe Omak ni si Mittop on..."

Omak Mittop : "sabbor ma ama ama songon ho, Kareta mi ma baen gabe innattamu asa bulus... 

Bapak Mittop : ahhh jengjeng ni on ahhh...
ai HO NAUNG LUNAS DO PUANG NIGARAR, MOLO KARETA ON DANG LUNAS DOPE...
20 bulan nai asa lunas... "

Omak Mittop : "bursik ma ama ama songon ho... Dang olo au sogot manggarar kredit ni i da,

 Asa bulusss....

-MANUK SI OTO-

Jadi …. nga saminggu Omak Mittop martiga tiga Manuk di pokkan Siborong borong, maccam ma akka manuk na mangolu dijual mulai sian manuk Kappung, Manuk Jabbe Rara, sahat tu Manuk Sioto.
Alai dina saminggu bukka dasar i sai holan na marsak do Omak Mittop Alana dang adong hasil penjualan, sipata holan sa ekkor do lakku, sipata dua, paling godang nadiari kamis i lakku tolu, amang jo marsak nai...

Bapak Mittop : “boasa sai holan na marsak martutukkian ho hasian…”

Omak Mittop : “dang lakku manuk ta Pak”ek… nga saminggu ta pukka tiga tiga on hape apala piga ekkor ma na tarjual.. amang marsak nai au Pak”ek.. hape bulan depan bayaron nama modal sian Nai Ramces i…”

Bapak Mittop : “sabar ma hita Mak”ek… tupa do i sude…”

Tarbege si Mittop ma arsak ni Omak nai, jadi naeng diurupi ma Omak na marjualan Manuk atik boha  tutu gabe siboan uttung…

Si Mittop : “oma… mulai sogot dohot ma au marjualan tu Pokkan da, asa au jo manjual manuk i”

Omak Mittop : “ahhh..amang.. sikkola maho… haru iba so lakku lamu ma ho…”

Si Mittop : “naso diboto oma do ra cara na, ai dang dos cara manjual manuk dohot manjual Pulsa oma. 
Molo manjual pulsa si pasti pasti do, alai molo manjual manuk, malo malo niba do manggombal… 
pokokna sogot dohot au da Oma.. lok ma au patubekbek sogot, molo oma holan manjalo hepeng na pe”

Omak Mittop : “attong ipe amang, hita cuba jo sogot sahali da…”

Tap mai….
Sogot nai mulai ma Si Mittop dohot marjualan, asal adong lewat Jolma pittor patubekbek ma Si Mittop “Manuk kon nantulang.. adong jattan, adong parinaan dengan bonus plus plus alana nga martolor manukon dibagas jadi sada tebbak dua hona,  adong molo diseket dang mangangguhi, adong do tong manuk spesial untuk na mar datu datu, pokokna lengkap do.. buet ma nantulang manukkon….”

Mulai ma lakku sada sada manuk on, las ma roha ni Omak Mittop, alana tarsar do sadari i di Pokkan Siborong borong Manuk ni Omak Mittop “Beli satu Plus Tolor didalam”.

Sogot nai lamu rame jolma tu lapak ni halak on alana penasaran halak i mamereng manuk ni Omak Mittop on…

Roma Nai Dorantes : “sadia manuk Jabbe on anggia…?”

Si Mittop : “molo on Jabbe naso hea marjabbe dope nantulang… 75 ribu saekor..”

Nai Dorantes : “ahhh.. Jabbe ni Oppu Tali 60 ribu do”

Si Mittop : “ia jabbe ni Oppu tali nga mulahulak marjabbe nattulang makana mura, molo jabbe kon dang hea dope marjabbe, ummanis do attong daging ni naso hea marjabbe maribbar naung sering marjabbe..”

Nai Dorantes : “bah ido..?? attong ikkat ma dua ekkor… na asli nai baen da anggia…”

Si Mittop : “beres nantulang… Bungkus....."

Lamu semangat ma Si Mittop "laris manis… laris manis… beli satu parinaan bonus tolor, jual jabbe original… buet inang buet… murah meriah.. buat hamu manuk kon…”

Roma muse Nai Esperelda : “sadia manuk Sioto on anggia.. ?

Dialusi Si Mittop : “Mamereng OTO na do nantulang… lamu OTO ba lamu arga…”

Nai Esperalda : “bahhh.. ai marsiotoi do manuk si oto hape ?”

Si Mittop : “ido nantulang…sarupa songon jolma do i, alai imbarna molo jolma marsimaloi".

Nai Esperelda : “dia ma tanda OTO ni manuk on, dos do hubereng sude”

Si Mittop : “molo OTO biasa saja diboto manuk i dope marlojong, molo satonga OTO olo dope belajar habang, alai molo OTO HIAN menak do manang dihahua pe…”

Nai Esperalda : “bahhh… ido hape ?? attong boasa gabe na ummoto na ummarga ?”

Si Mittop : “Alana nantulang lamu OTO manuk i berarti lamu godang akka vitamin dipasuntikkon akka jolma tu manuk i, makana gabe arga. Lebih bervitamin do manuk SIOTO na OTO HIAN daripada na sedang sedang oto na. apalagi ma molo manuk sioto i dang oto, dang adong vitamin ni i”

Nai Esperalda : “bah tutu….attong ikkat ma 5 ekkor na PALING OTO  i”

Semagat hian ma Si Mittop melayani akka pembeli...
"Laris manis…..murah meriah… makin OTO makin MAHAL…."

Huhut mardalan Nai Esperelda huhut ma tong dihatahon tu akka jolma pokkan i :
“eehhh edak… uttagon do manuhor manuk ni Omak Mittop, boi sesuai kebutuhan, alana argana pe mamereng OTO na do, molo adong hepeng mu tuhor ma na OTO HIAN, alai molo pas pasan do hepeng mu tuhor ma na sedang sedang OTO na..”

Lamu terkenal ma attong Manuk ni Omak Mittop on, ima berkat taktik dagang ni si Mittop. 
gabe sude ma par Siborong borong mananda usaha ni halak on, tabba ma muse Nai Ramces pittor mambaen status di Facebook jala pittor dibagi bagi akka jolma gabe trending topic di Siborong borong on, buti ma isi facebook ni Nai Ramces :
“Heiii edak… ada yang cetar badai di Pokkan Siborong borong… 
Mau beli manuk ? mampir lah ke lapak Omak Mittop... beli parinaan sudah plus tolor didalam, di lapak mana beli parinaan ada tolornya ? hanya di lapak Omak Mittop semua parinaan martolor…
Yang lebih cetar lagi harga manuk si OTO tergantung OTO nya, hebat kan weiii… semakin OTO semakin MAHAL. Like and share ya edak… ummmaccchhh….
-----//-----//-----

-PETI MATI-

Jadi...pas ma ari minggu, Lao ma marminggu Omak Mittop dohot si Mittop....Hobas ma halak i... 

Si Mittop : "baju naidia pakke on ku oma ? 

Omak Mittop : "pakke ma bajum nabagak i, ima nadituhor ni nantulang mu sian Jakarta i, asa suman saotik.."

Si Mittop : "olo oma..."

Sae ma i... Lao ma halak i tu gareja mardalan pat. 
somal na do di huta mardalan pat ate.
dung mandapotton pengkolan lapo ni Nai Ramces i, 
digora Nai Ramces ma nasida : "ooii eda... Rappak hita eda..."

Omak Mittop : "hatop ma, unang pola hapal hian baen gincumi, asa hatop..."

Nai Ramces : "ima nian eda on ahh.. Sai hira nabinoto ma marginju hapal hapal, paima jo eda..."

Omak Mittop : "uwehhh... Suara ni inatta on sai natanata, dipasuman ho tu partigatiga ballon....Hatop mai eda...."

Ujungna rappak ma halak i mardalan,huhut ma marnonang. 
Dung sahat digareja sahundulan ma nasida, alai molo si Mittop tu bangku ni remaja do lao, maila inna ibana sai hapit tu omak na. 

Masuk ma parmingguan,
Marende... 
Votum...
Markoor...
Singkat ni patik...
Dungi dapot ma tikting...

Jongjong ma porhangir manjaha tikting : 
"tabege ma tikting namasa dihuriata saminggu on..."
1. Diminggu nanaeng ro patupaon ni huriatta do marpelean tujolo. 
2. Diminggu nanaeng ro , patupaon ni ianakkonta Naposo bulung do ibadah pemuda saresort.
3. Diminggu nanaeng ro, marrapot huria ma akka parhalado. 
4.Parhepengon ...
4a.nijalo do hamauliateon sian M.Sinurat ala hipas hipas do nasida. 
4b.nijalo do hamauliateon sian Ny.Marlince ala lulus do ianakkon na di USU.
4c.nijalo do hamauliateon sian Ama Esperalda ala pasupasu ni Tuhan lancar usahana jala nga mambukka cabang muse ibana di Laguboti.... 
Tatangiangkon ma akka namangaleon hamauliateon i asa lamu tamba pasu pasu jala lamu lancar akka usahana..... 
Songoni ma tikting namasa diminggu sadari on, Tangiang pangondian sian sektor 5.

Dung sippul parmingguan i, marmulakan ma akka ruas... Sauduran ma Omak Mittop, Nai Ramces, si Mittop, jala dohot ma muse Nai Herpine mangihut....

Nai Herpine : "jolo tu jabu ma hita singgah eda, adong nakkin hurobus jagung..."

Nai Ramces : "ima da... Nga male iba.. Alai adong do es batu kan ? Songon na mohop, asa mambaen teh manis dingin hita..."

Nai Herpine : "bahhh... Es batu do sude isi ni kulkas nami eda... Tenang ma... ate Omak Mittop Maradi jo hita dijabu ate eda.."

Omak Mittop : "ipe taho eda..."

Hut ma halaki mardalan sabbil marnonangi, maccam dihatai nasida, sipata rappak mekkel nasida, hape molo si Mittop sai sip do... 

inna roha ni si Mittop : "agaiiiiabaggg... Mate kamus iba mardalan tu ina ina.... Aaahhh amang jo... ai akka gincu do dihatai, akka kutek, akka sanggul, agaiiabaggg... ba nanggo apala Liga Ingris nian dibahas, Barcelona ma nian, manang MU, manang PSMS pe taho...apala manang melemahnya nilai rupiah ma nian dibahas...
ahhh tahe sai lalap holan akka Kemben dohot Longtorso do dibahas''

Hape dinamardalan i nasida toppu ma makkatai Omak Mittop, ninna ma : 
"eehhh eda, taringotna ise do tahe namangalean hamauliatean i ?

Nai Herpine : ''sada Sinurat,  Sannai Ama Esperalda"

Omak Mittop : "naidia ma tahe halak ni ?  

Nai Herpine : "so pala takkas huboto.."

Nai Ramces : "makana sering ho kaluar eda, asa ditanda ho akka jolma"

Omak Mittop : "alang alang hutanda bahh... 
Na Gateng-Gatteng i do tahe Ama Esperalda on ? 

Si Mittop : "daong oma molo na Gatteng i Sinurat do i...."

Omak Mittop : "ooo..ditanda ho do haroa Sinurat i ? 

Si Mittop : "hutanda oma... Sering hami pajuppang didalan"

Omak Mittop : "ido hape ai marga Sinurat do hape na Gatteng i ? 

Nai Ramces : "eeehhh amang Omak ni si Mittop on... Molo mamereng na Gatteng i pittor marrara do simalolong mu"

Nai Herpine : "Gatteng do nian eda.. ai ima tahe nga ina ina hita...HaHaHa... Rap mekkel ma halak i natolu margahargak..."

Nai Herpine : "ho nga adong "ekor" mu eda... HaHaHaHa... Molo hami nadua dang "marekor" dope hami, jei unang pala diingot ho akka na Gatteng i eda HaHaHa.. ate dang i tahe Nai Ramces HaHaHa..."

Nai Ramces : "ido da eda HaHaHa... anggo hita dang sala makkatai Sinurat i eda, alana dang "marekor" dope hita HaHaHa...naung adong do puang Amatta dijabu, molo daong hupistak hian do Sinurat i HaHaHaHa... 
Mekkel ma halak i maradu sai hira sibarbar losung...."

Omak Mittop : "ehh tahe... Molo hamu nadua pattang do domu, ittor manombo do rittik muna bah....  
jei molo Ama Esperalda i nadidia ma halak ni ? alang alang hutanda. 

Nai Ramces : "ima da.. Na doppak tu dolok an dora ate ? sa STM ta do amattai"

Si Mittop : "hutanda di oma, disan do jabuna, jonokkon tu sippang komplek an..."

Omak Mittop : "sude ditanda ho, ai sian dia ma ditanda ho.."

Si Mittop : "hutanda do oma, alana si Esperalda dongan sasikkolaku do"

Nai Herpine : "na doppak dolok an do tahe Mittop ? 

Si Mittop : "ido namboru,  ima apala disimpang komplek i, jabu namarcet nabottar i,  disabola ni panjual sipatu i"  

Nai Ramces : "ooo ima namanjual PETI MATI ido ? 

Si Mittop : "olo... 

Omak Mittop : "bahhh...  jei namanjual PETI MATI ido Ama Esperalda i ? 

Si Mittop : "olo oma..."

Omak Mittop : "Kurang ajar...."

Nai Herpine : "mahua ho eda..."

Omak Mittop : "bahhh... Naboha do hamu puang...Ama Esperalda i menjual PETI MATI do usahana, naso diparrohahon hamu do tikting nakkin ? 

Nai Ramces : "jei boha haroa, unang late roham tu arta ni halak..."

Nai Herpine : "pas mai... ittor songoni do eda Omak ni si Mittop on ah..."

Omak Mittop : "bahhhh... aha inna tikting i nakkin ? Lancar do usaha ni Ama Esperalda i kan ? Jala nga Mambukka cabang ibana di Laguboti kan ? Makana parrohahon hamu tikting i"

Nai Ramces : "jadi boha haroa ?

Nai Herpine : "pas mai.. Mahua haroa...."

Omak Mittop : "bahhh... Mauppp... Nakkin ninna Porhangir i aha haroa ? 

Nai Ramces : "ahhh... Sobinoto diroham, ai denggan do halak mangalean hamauliateonna sai diprotes ho, ia dang adong annon mangalean tong dihatai ho"

Omak Mittop : "eehhh eda... Aha didok Porhangir i nakkin ? Ai dang na didok Porhangir i nakkin  "sai ta tangiakkon ma akka namangalean hamauliateanna asa lamu lancar akka usahana". 

Nai Herpine : "jei boha haroa, biasa do i..."

Omak Mittop : 'sambor ma nipim, dang diau i, ho ma manangiakkon Ama Esperalda i.."

Nai Ramces : asing eda on.. ai boha haroa ? 
Sala haroa manangiakkon halak ? 

Omak Mittop : "jei Hita tangiakkon ma asa Lancar Usaha ni Ama Esperalda i ? diattusi ho do i ? Mandok asa hatop hatop do akka jolma marmatean. alana LAMU GODANG JOLMA MATE LAMU LANCAR MA USAHA PETI MATI nai makana nga apala sappe mambukka cabang ibana di Laguboti... dihamu mai... dang olo au manangiakkon i. Sotung lak disittakkon iba puang... Ahhh dihamu ma i 

Nai Ramces : "bahhh.. Tahe loak nai hita Nai Herpine....ahhh au pe dang olo manangiakkon i..."

Nai Herpine : "amang jo tahe.... Aahhh au pe dang olo bah, Sabbor mai...."
-------00-------00------

#bahagiaitusederhana
copyright 2016 - Marulak sinurat