-JOLO DILAT JO-

Markombur ma muse hita di senja na uli on ateh akka dongan, ikkon mar bahasa batak do baenon ku jala ikkon ganjang ganjang do cerita ku asa belajar marbahasa batak jo inna roha akka dakdanak mikki mikki par kota an.
Bahhh tahe sala iba sipata, hape akka gelleng ni par kota do sonnari belajar bahasa batak gabe tarbalik akka anak kuliah na mangaranto sian Huta Ballon sai perasaansempit berbahasa Indonesia torus.

Tole ma… beta markombur tentang keluarga si Mittop, songgombas on maccai FENOMENAL MANJA do judul ni kombur ta on, sangat menggoda dan sipata mambaen rittik, on ma judul na fenomenal Manja i :

-DAISHON IJUR MI ASA UNANG LONGKOT-

Disada tikki, gabe sintua ma Bapak Mittop di Siborongborong na uli on, pas ma tikkini adong 3 halak sintua naung pension sian sektor ni halak i jadi di daftarhon ruas ima asa dohot bapak Mittop asa LERNING SINTUA.

Jadi Tap mai….
Dung piga bulan Bapak Mittop on gabe Sintua, dapot ma sada ari minggu na uli di bulan Juni, udur ma sude akka ruas marminggu tu gareja suang songoni dohot keluarga si Mittop.

Dung hira hira satonga sappulu, dijou pandita ma bapak Mittop on tu biluk parhobasan.

Pandita : “jeiii amang ala dang tu gareja sadari on amang porhangir, Amang Mittop majo manggattihon manjaha tingting da..”

Bapak Mittop : “boi amang… uhut ni boasa dang tu gareja amang porhangir ?”

Pandita : “adong apala na rikkot di huta nasida…”

Bapak Mittop : “olo amang….”

Masuk ma parmingguan,
Tarbege ma soara giring giring,
Hohom ma sude akka ruas,

Dungi ninna paragenda ma : “tapukka ma masuk, marende ma hita sian buku ende nomor 437 buku logu nomor 390….”

las diendehon ruas ma.....

Berjalan ma parmingguon i acara demi acara,
Marende,
Votum,
Singkat ni patik,
Koor,
dll

Dapot ma tingki na manjaha Tingting…
Tor jongjong ma bapak Mittop di podium huhut mamboan akka buku folio na hapal hapal, tor di tiop Mik na, dungi jolo mangongkak jo ibana sahali “ehemmmmmmm…”

Bapak Mittop : “ta bege ma tingting di Minggu ta sadari on,
1. Dung sippul jamita, marpelean tu jolo do anon hita ima lao tu dana patupa pesta parheheon sikola minggu
2. Parhepengon,
-ta jalo do hamauliateon sian keluarga C.Girsang/Br.Purba ala hipas hipas nasida di pardalanan minggu na salpu
-ta jalo do hamauliateon sian keluarga A.Tampubolon/Br.Sinaga ala masuk ianakon na di UGM
-ta jalo do hamauliateon sian keluarga K.Sihombing/Br.Tambunan ala naung tamba umur nasida 56 taon

Dungi mongkak muse Bapak Mittop on :
"“ehemm ehemm…heeemmmmm…”

Dilanjut Bapak Mittop ma muse Manjaha Tingting sian bukku folio na hapal i :
3.Tingting Paduahon
Naeng manjalo pasu pasu parbogason ma Marulak Sinurat dohot OROAN NA.....

Hape ollak ni i habis halaman ni folio i, tor di bukka Bapak Mittop ma hatop lembar berikut na, tor di haishon sahali harotas i pake jari kanan sementara tangan kiri maniop MIK...

Dungi dilanjut Bapak Mittop ma : “SUDE PAR ARI KAMIS…”

Tor guttur ma sude akka jolma, hape si Marulak Sinurat pe nga sai beccut bohi na.

Ninna Nai Ramces ma : “ai aha do maksud ni Bapak Mittop on, dohot sude par ari kamis ninna ninna oroan ni si Marulak ?”

Ninna Bapak Kartince : "wehhh na sala mambege do hita manang Bapak Mittop do sala manjaha ?"

Hape attong na Longkot do lembaran ni halaman buku folio i,
ala longkot attong halaman ni buku i gabe tarlewati ma sada halaman, gabe langsung ma melompat tu par ari kamis.

Hape sasittong na dibalik ni par ari kamis i adong do tingting “pinabotohon tu SUDE PAR ARI KAMIS dung sippul anon parmingguan on unang jo mulak ala naeng marrapot pesta parheheon ina”

Ai molo si Marulak Sinurat attong nga sai cemberut manja ibana HaHaHaHa,
inna rohana : “makana jolo dilat jo sahali asa pabalik, ala dang di dilat Bapak Mittop on jari tangan na gabe longkot ma harotas i, gabe au ma korban… ehh tahe Bapak Mittop on.."

HaHaHa… Horas ma akka dongan
Molo hubaen anon goar ni pangoli i na asing disi gabe hona UU ITE au, gabe dipenjara ma anon au, terpaksa ma hupakke goar hu sandiri asa aman.
Ku korban kan lah diriku demi diri mu HaHaHa

Note : bahasa batak Bulan Juni adalah SIPAHA ONOM

http://marulaksinurat.blogspot.co.id