-MANUNGKAP DI-

-MANUNGKAP DO-

Tap mai…..
Disatu senja na balau di kota Siborongborong, mulak ma bapak Mittop sian manonton pacuan kuda dilapangan pacu Silaitlait,Siborongborong…

Holan sahat bapak Mittop di jabu pittor patubekbek ma omak Mittop…
“ai na sian dia do ho pak Mittop… mulai jam 10 pagi sahat tu jam 6 sore apala hosam dang tarida, ai lak so boi be muba pangalahom pak Mittop? apala au jo urupi dijabu on tuan nami”

Bapak Mittop : “aima ho sahat sahat tu pangalaho, holan naeng rimas mu do diboan ho..”

Omak Mittop : “weehhh maup ma tali ni timba…. Sukkun jo sude ina ina di kota Siborongborong on adong do naso biraraan molo mangadangi amatta na sadari manipat ?”

Bapak Mittop : "ehhh tahe… ima akka hamu ina ina i sai naeng guru dok muna do na toho.."

Omak Mittop : "hamu akka ama i do lomo lomo muna, dang adong kerja sama mu akka ama i dibagian RUMAH dan DAPUR, holan dibagian KAMAR do adong kerja sama mu akka amai i, ipe satokkin do..cuiihhhh”

Bapak Mittop : “weehhhh……”

Omak Mittop : “jei sian dia ma ho mangadangi..? nga apala sude kode tuak hu kintip lak so adong haidaan ho, na marjuji doho kan ? didia ho marjuji pak Mittop ? sotung diangkat polisi ho. Molo di takkup Polisi ho preettt lak so huattureshon”

Bapak Mittop : "eehh amang tor songoni do ho, Sian Silaitlait do au mamereng pacuan kuda…"

Omak Mittop : “daga…daga…daga…tiop ma tiang i, tarhona pacuan kuda dibereng ho hape apala pinahan mu di pudi marnguek-nguek ala dang adong indahan na. molo dijaljal ho nakkin lompong i nga butong mangan pinahan i tolu ari. eehhh tahe akka ama on… sabbor ma nipim.."

Bapak Mittop : “ai ho ahhhh.. na kolotan ho. parsiborongborong ho alai dang las roham adong objek wisata dison berupa pacuan kuda. ai na membantu program pemerintah do iba puang, asa terkenal huta ta on"

Omak Mittop : “unang teal ho makkatai, dang rope ho manonton pacuan kuda i dang gabe sundat marikkati akka kuda i,
ima songon ho ma nidokna ama ama naso main maretong. Pinahan mu 3 ekor dipudi dang di urus ho hape nga jelas jelas gabe hepeng i. dang dibereng ho jantan na saekor i dang lakku be dipesan halak naeng marjantan ? ai dia ma attong boi babi gabe pejantan molo marniang tinggal holi holi, holan dodak do disabur ho aha ma gollek ni i, ikkon lean non mu do pudding jantan na sa ekor i asa bagak, asa dipesan halak musek naeng pajantanhon pinahan na, dang iboto ho sahali mamesan pejantan sonnari 200 ribu ? naso boi doho marhali hali Pak Mittop, sahali marjattan 200 ribu gabe bolong rejeki i. pikkiri jo,  jadi dang jadi , labbe so labbe pokokna sahali marjattan 200 ribu, kalihon ma piga halak na naeng pakawin hon babi na di siborongborong on ? DANG MAIN ama ama songon ko.  hepeng dijolo mata dipasombu ho, tarhona manonton pacuan kuda ho..."

Bapak Mittop : "ahhh nga sae be i… patubekbek torus..."

Omak Mittop : " ba nanggo diukkithon kuda i nakkin ho asa bulus.."

Bapak Mittop : "bahhh…ai roa ma ho...maksud mu asa mate au ? Las ma roham molo mate au ateh…''

Sip ma halak i nadua huhut marsitundalan….

Dungi ninna Bapak Mittop ma : "Lok ma mate au… asa diboto ho omak Mittop da, molo mate au ikkon gabe BEGU au, ikkon ro au tiap borngin.. hupabiar biar ho, age bereng"

Omak Mittop : "sabbor ma nipim… dirippu ho mabiar au mamereng Begum…?"

Bapak Mittop : "bereng.... molo gabe BEGU au ikkon jongjong au toppu dijolom asa mabiar ho…"
Omak Mittop : "heeee… loak…butul do naung stress ho ala ni Kuda i, molo mate ho tor HU TANOM ho asa diboto ho, bagas hubaen tanoman mu sappe 3 meter, sian dia dalan na gabe ro ho muse tu au ai nga hutanom ho bagas…"

Bapak Mittop : "hee… unang sala ho, Hu Hurak tano i asa boi au kaluar…heeerrggggg….
(huhuk menggerak gerakkan tangan pabiar biarhon omak Mittop ) dungi kaluar au gabe BEGU....
dungi hu pokkik ma ho.... heeerrrrggggg…”

Omak Mittop : "pakke aha ho makkurak tano i ? ai molo mate ho datung leanonku Sakkul boanon mu, na dirippu hodo di kuburan adong sakkul ? kolot nion..”

Bapak Mittop : "pakke tangan ku.... hheeerrrggg....... hu Hurak tano na i sape boi au kaluar sian tanoman i, dung i gabe BEGU ma au, dung i ro ma au toppu dijolom asa jantungon ko.. Hua…Hua…Hua…."

Omak Mittop : "attong Mate pe taho ho…"

Bapak Mittop : "jei dang mabiar ho gabe ro BEGU ku mandapothon ho...?"

Omak Mittop : "daong…"

Bapak Mittop : "tiop hata mi da, ikkon hu pokkik ho toppu, marsemong bohikku hubaen, ikkon gabe BEGU na jorbut au asa mabiar ho....''

Omak Mittop : "mate pe taho ho, gabe begu pe taho ho, dang mabiar au..."

Bapak Mittop : "bahhh…pikiiri denggan...molo toppu ro BEGU ku mamokkik ho boha ?"

Omak Mittop : "iiisss si Kolot Jiwa on, dang na boi kaluar ho sian kuburan mu..."

Bapak Mittop : "bah… nga hudok Hu Hurak tano i… aha naso boi haroa dihurak BEGU ?

Omak Mittop : heee Bapak Mittop…. Molo mate ho MANUNGKAP do ho tanommon ku, asa diboto ho… jei hurak ma tano i asa lamu bagas ho masuk tu BANUA TORU…"

Bapak Mittop : "agaiabaagggg…."

Tor lao ma bapak Mittop maridi ala jut ni rohana… huhut dilopeshon handuk naon huhut ma marbete bete Bapak Mittop : “Lak so taralo ina ina marbada…Nipi nama i”

Mekkel ma Omak Mittop merasa puas hut ninna : “MANUNGKAP do tanomon ku ho asa diboto ho….”

-Marulak Sinurat-