-DIONJAR SIAN BAGAS-

12 taon na salpu, adong do kenangan ni Omak Mittop tikki pertama kali marumah tangga tu Bapak ni si Mittop on. 

Jadi setiap kali ulang tahun pernikahan halaki selalu do diungkit Bapak Mittop kenangan i, gabe mate ma halak i mekkel sampe pagi, campur aduk ma perasaan ni Omak Mittop antara Maila, luccu, senang ahh massam mai…

Jadi najolo holan sae halak i dipasu pasu, holan sadari do halak i dijabu natua tua ni Bapak Mittop alana mulai na marhallet nasida nga sepakat ikkon hatop manjae, Jala nga adong dapot ni Bapak Mittop sada jabu kontrakan dibelakang terminal Siborongborong.

Omak Mittop : "sogot tu kontrakan ma hita ateh Pak”ek…asa manjae hita..."

Bapak Mittop : "ima dah… dison rame hian, apala marhua pe so boi, lok ma Jolo di kontrakan baru i sogot hita MARSIRANGGUT ateh mak”ek…."

Omak Mittop : "ahhh Pak”ek gak sabar lagi, iihhh...Mak’ek jadi malu…"

Dapot ma sogot nai disewa hala i ma becca manaruhon barang barang , sude ma akka perlengkapan mandasor, dungi Manyusul ma halak i nadua markareta asa songon na romantis attong.

Hape dang diboto Omak Mittop on nga disuru Bapak Mittop akka sude keluarga parjolo tu jabu kontrakan i sekalian mambaen kejutan, alana sabutulna dang jabu kontrakan i alai jabu ni Bapak Mittop do naung dituhor ibana taon nasalpu, sekalian ma tahe asa ditangiangkon dohot marsipanganon sakeluarga disi.

Dibagas jabu i nga adong simatua ni Omak Mittop paimahon, songoni akka eda na , akka amang bao na suang songoni akka keluarga na asing, nga dibaen Bapak Mittop hian kode na attong asa sip sude, unang adong age sada pe na makkatai, Alana naeng mambaen kejutan do Bapak Mittop.

Dung sahat halak i nadua dialaman jabu i , ninna Bapak Mittop ma : "unang jo masuk Mak’ek hasian…"

Omak Mittop : "boasa Pak’ek…. dang tahan be au, naeng tu kamar mandi Pak”ek…gobbung butuhakku Pak”ek"

Bapak Mittop : "ahh tahan jo satokkin mak”ek hasian, naeng adong kejutan hubaen tuho, kejutan BELAH DUREN do goarna"

Omak Mittop : "ahhh… Pak”ek, ima nian makana lamu cinta au tu ho Pak”ek, selalu adong kejutan mu.
apala ahama kejutan mu i Pak”ek Hasian ?"

Bapak Mittop : "(huhut mambuet saputangan na birong), hututup ma simalolong mu pakke sapu tangan on Mak”ek, asa dibereng ho annon akka aha ma naung huparade sebagai tanda cinta MAR-API PURUN  nadiroha kon…."

Dibentuk Bapak Mittop ma sapu tangan i gabe bentuk segi tiga,jala pittor ditabbat ma manutupi simalolong ni Omak Mittop….

Omak Mittop : "ooohh Pak’ek, romatis hian ma nian ho Pak”ek , lamu MARSIGORGOR ma au Pak”ek. beta ma sayang…Togu ma au tu bagas hasian….dang sabar be au cintakku..."

Alai mungkin ra alana nantuari loja halak i marpesta, manortori, tamba muse dang mangan, gabe masuk angin ma Omak ni Mittop on, makana didok ibana nakkin naeng tu kamar mandi, dang tahan be ibana, nga songon na di GUNCANG sian bagas, nga songon na MARDOSOR, nga hampir DIONJAR SIAN BAGAS.

Huhut di togu Bapak Mittop ma Omak Mittop on mardalan alana nga ditutup Bapak Mittop simalolong ni Omak Mittop pakke sapu tangan,
alai memang dibege Bapak Mittop do margorroki butuha ni Omak Mittop, ninna Bapak Mittop ma :
"bah.. na masuk angin do ho hasian ku ?"

Omak Mittop : "ido Pak”ek… makana naeng tu kamar mandi au nikku nakkin, nga naeng MUTTUT hian au Pak”ek,  nga songon na DIONJAR sian bagas…."

Bapak Mittop : "bahhh.. pala ma ikkon tu kamar mandi apala naeng Muttut ? uttut-ton ma dison dang pola bohai, alai PUIS attong baen unang tarbegei..."

Omak Mittop : "ahhh maila au Pak”ek.. baru dope sadari hita saut , dang barani dope au pittor Muttut di jolom hasian ku…"

Dungi....dibukka Bapak Mittop ma pittu jabu i, dibereng ma nga godang akka gaba gaba di jabu, perabotan pe lengkap alanan adong do dituhor akka eda ni Omak Mittop sofa,kulkas,lemari hias dll.
Dibereng Bapak Mittop ma nga senyum senyum sude keluarga naeng mambaen kejutan, di kode bapak Mittop ma nasida asa sip sude sebelum diperintah…"

Toppu ma margurrok muse butuha ni Omak Mittop, alai maila dope ibana tu Bapak Mittop, inna roha ni Omak Mittop : “haru tu pudi jo nian Bapak Mittop on tokkin asa Muttut au”…

Omak Mittop : "jei dang boi dope bukka on tutup ni mata kon hasian ? dang tahan be au…"
(inna roha ni omak Mittop, agaiabag nga apala naeng Muttut hian ibana )

Bapak Mittop : "paima jo hasian, goarna pe kejutan, ima tanda ni holong ku tu ho hasian…"

Dalam keadaan mata tertutup, Lamu margurrok ma butuha ni Omak Mittop on, alai ala maila ibana Muttut dijolo ni Bapak Mittop,
gabe Ninna ma :
"Pak”ek sayang…. Buat jo air minum diau hasian, mauas hian au Pak”ek.."

Pittor lao ma Bapak Mittop tu dapur naeng mambuat aek….

Holan dibege Omak Mittop lao Bapak Mittop tu dapur, pittor Muttut ma ibana maccai gogo :
"Puuurrrtttttt…..!!! Puurtt…Puurrtt…"

Dungi roma Bapak Mittop :
"on hasian inum ma, molo nga siap ho dok ma asa hubukka saputangan i..."

Hape tong dope margurrok butuha ni Omak Mittop, gabe ninna ma muse :
"Tung mauas hian dope au Pak’’ek, boi do hupangido sagalas nai…"

Bapak Mittop : "jangan kan air minum, jiwa ragaku pun akan aku serahkan untuk mu sayang, paima jo asa hubuat…"

Lao ma muse Bapak Mittop tu dapur,
holan dibege Omak Mittop mangalakka Bapak Mittop on, pittor di uttuthon ma muse maccai gogo :
"Puurtt..Puurrtt… Puurtt..Puurrtt… Puuurrrtttttt…..!!!"

Dungi roma Bapak Mittop :
"on Mak”ek… inum ma asa sobu uas mi hasian…"

Di inum Omak Mittop ma, alai songon na lamu di onjar sian bagas…
biasa do songoni ate, molo sanga do nipakaluar sahali naeng ma nian kaluar sude sappe habis, ima tihas ni Uttut on…

Ninna Omak Mittop ma muse :
"sahali nai Pak”ek, maccai mauas hian do au Pak”ek, buat jo sagalas nai hasian, asa sobbu jo uas hon"

Pittor lao ma muse Bapak Mittop tu dapur mambuat aek sagalas nai…

Holan dibege Omak Mittop mangalakka Bapak Mittop on pittor Muttut ma ibana lamu gogo, mungkin ima ra terakhir sisa masuk angin nai makana agak doras jala Mallupuk maccai gogo  :
"Seeerrr...Putttt…. Puurtt..Puurrtt… Puuurrrtttttt…..!!! seerrr…sesrrr… ceesssssstt…."

Huhut ma agak agak maraek dihilala Omak Mittop, ima ra mungkin alani kekuatan Onjaran i.
Ido songon na maraek saotik dabo.

Dungi roma Bapak Mittop :
"on hasian, inum ma asa pittor hubukka saputangan i, asa dibereng ho kejutan aha na hubaen tanda cintakku tu ho…"

Inna roha ni Bapak Mittop "ikkon las ma roha ni Omak Mittop mamboto jobu on nga milik nasida"

Bapak Mittop : "nga siap ho hasian, asa hubukka saputangan i"

Omak Mittop : "nungga Pak”ek… bukka ma Pak”ek…dang sabar be au hasian…"

Pittor dibukka Bapak Mittop ma sapu tangan namanutup simalolong ni Omak Mittop i, huhut ninna :
"on ma jabu ta hasian… jabu masa depan ta…"

Holan dibukka Bapak Mittop saputangan i, pittor dibereng Omak Mittop ma ruang tamu na balga, perabot dapur, tivi, kulkas, lamari, dohot ehhmmm...

Alai toppu ma naing copot jantung na, agaiabaggggg…bahhh munggil ma... eda… amang bao… agaiabaggg.. simatua... bahhh matekki..
naung dijabu on do hape sian nakkin amang simatua ??? amang matekki jo…

Dibereng Omak Mittop ma sude na adong disi marsipanotnotan….

Pittor taroktokon ma Omak Mittop jala marmera ma bohina  huhut ninna ma :
"eehhh…ehemm...naung sahat do hape halak Amang… ?
hurippu dijabu dolok dope … ?
eeehhh naung leleng do halak amang sahat.. ?"

Dialusi Amang Simatua na ma : 
"nungga inang… sian UTTUT PARJOLO sahat sae UTTUT PATOLUHON nga dison nakkin hami…."

Dibereng Bapak Mittop ma Omak Mittop, ai nga naeng tangis Omak Mittop dibereng,  Pittor digotil Omak Mittop ma Bapak Mittop huhut dihusiphon danget tu pinggol ni Bapak Mittop :
"boasa dang didok ho songonon kejutan na, amang jo matekki ahh…"

Bapak Mittop : "na DI UTTUT HON ho do nakkin pas tu dapur au ?"

Omak Mittop : "eeerggg…"