-FOTO BERSAMA-

Borhat ma si Mittop, si Guttur, si Nurmince, dohot si Hotlan tu Sikkola mardalan pat.
Somal ni nasida do mardalan huhut marnonang asa unang terasa loja dugul dugul na, maccam do biasa dinonangi halak on..

Nurmince : "malas hian anon au les ke dua…"

Hotlan : "boasa.. ?"

Nurmince : "idage… boasa dope nimmu… Ibu Jorbut anon masuk les ke dua (sabutulna Ibu Ringkot Br.S do goarna, alai ala sogo roha ni akka murid jadi digoari ma ibana Ibu Jorbut)

Si Mittop : "pas mai holan na songgak songgak torus… na dirippu do haroa akka na nengel hita…"

Guttur : "HaHaHa… kasihan deh lu…. Hassit dope nadigotil ibu i Mittop ?"

Si Mittop : "eeehhh marsalaon dope hae hae ku…"

Guttur : "bagian mu ma i puang… makana unang sai mangalo ho"

Si Mittop : "dang na mangalo, ai ho majo sude ikkon tuhoron sian ibu i, gabe bingung au mamereng, guru do manang partiga tiga ibu i"

Nurmince : "merangkap….. memang ngeri ma ibu i ateh,
adong do bukku IPS hu sian kakak hu alai pala ikkon manuhor muse, dos do sian penerbit Ganeca Exact Bandung, pengarang na pe dos do, sampul na pe dos do, isi na pe dos do, alai pala ma ikkon tuhoron muse nabaru sian ibu i"

Si Mittop : "makana malas iba molo nga masuk ibu i tu kalas,
so nanggo disukkun boha ? nga mangan hamu sude ?
nga maridi nakkin ? apa kabar anak anak ?
dang nei napenting di Ibu i, ittor heppot do berceramah “anak anak… kalau jajan harus pilih makanan yang sehat ya.. jangan jajan sembarangan.. jangan jajan diluar sekolah, jajan diluar tidak sehat, dikantin dalam aja ya anak anak….”

Hotlan : "jei maksud ni ibu i naso sehat be kantin Nai Ramces an ?"

Si Mittop : "asa sude attong akka murid manuhor Mi Gomak ni ibu i"

Guttur : "ahh tahe malas nai iba, makana ullomo do rohaku molo jam pelajaran Pak Regar, manang Ibu Tiur Marsinondang selalusetiaselamanya Br.Sinurat, anggo guru na dua i tabo ma, burju musek…"

Nurmince : "tabereng ma anon manang aha dope naeng dijual Ibu Jorbut i"

Tap… sahat ma halak i disikkola, dung dapot les Kedua Pittor masuk ma Ibu Ringkot Br.S tu kalas dengan gaya simalolong manginonar..

Ibu Ringkot Br.S : "anak anak… ingat pesan ibu… molo marjajan hamu unang tu luar da, dang sehat siallangon di luar, tuhor hamu ma Mi Gomak dikantin dalam.."

Pittor Murhing ma sude bohi ni akka murid….

Ibu Ringkot Br.S : "nahh… anak anak, ada kabar gembira untuk kalian semua …prok..prok..prok….
Nattuari kan nga berfoto bersama hita pakke kamera ni Ibu i,
oww kamera mahal itu anak anak, sengaja ibu pesan dari Jakarta, jadi sudah….
(dang sae dope Ibu Ringkot Br.S makkatai pittor dipotong si Mittop….)

Si Mittop : "pelajaran IPS do sonnari Ibu…."

Ibu Ringkot Br.S : "pasti… tenang ma ho….nanti kita bahas apa yang dimaksud dengan PILKADA SERENTAK…
Nahhh sekarang ibu lanjut….hasil foto bersama kita kemarin sudah ibu cetak, nga hupasussihon be, ulalaaa lihat hasilnya, bagus kan anak anak… bagak hian dabo Kale…"

Dengan semangat ma Ibu Ringkot Br.S patuduhon foto i....
sude ma akka murid mamereng. Bagak ma nian foto i, ias sai hira akka anak ni namora sude, hape aslina marbirong do nian.

Ibu Ringkot Br.S : "bagus kan anak anak… ibu sudah cetak 30 lembar, jadi kalian beli satu seorang.."

Nurmince : "asing...dang adong hupesan diau ibu…"

Ibu Ringkot Br.S : "bahhh… harusnya kamu senang dong ibu peduli dengan kebersamaan kita.
Cuma Rp.15.000, murah do i Nurmince, bereng ma ukuran jumbo do, molo tu Siborongborong ho marfoto nga hona Rp.50.000 on"

Hotlan : "idia ma dilean oma manuhor foto haru manuhor bukku IPS pe nga jolo marutang.."

Ibu Ringkot Br.S : "anak anak.. kalian harus lihat makna dari foto ini,
ini kenang kenangan untuk kita mumpung kita masih lengkap, coba bayangkan 20 tahun lagi. Saat melihat Foto ini kalian akan kangen dan meneteskan air mata.."

Nurmince : "kalau kangen kami bisa berkumpul 20 tahun lagi…"

Ibu Ringkot Br.S : "heiii anak anak… berapa lah Rp.15.000 untuk sebuah pertemanan, dang masihol hamu haduan mamereng dongan muna ?
hujamin ikkon manetek ilu muna molo dibereng hamu foto on 20 taon nai..
Coba bayangkan, 20 tahun lagi kalian akan melihat foto ini dan berkata :
“Ohh ini si Nurmince, sekarang sudah jadi dokter.."
"Eehhh ini si Guttur sudah jadi Polisi.."
"Ooww ini si Mittop, ganteng kali sekarang, sudah jadi pengusaha lagi..
"OMG… ini si Hotlan sekarang jadi Artis.."
"dan ini…. (dang sae dope ibana makkatai pittor dipotong si Mittop )

Si Mittop : "dan ini Ibu Ringkot Br.S sudah MATI……."

Pittor mekkel ma sude akka murid di kalas i ala luccu dihilala halak i..

Ibu Ringkot Br.S : "Baba mi Mittop, dang diajari amang mu ho"

Pittor lao ma Ibu Ringkot Br.S meninggalkan kelas ala maila diparekkeli murid..

Nurmince : "mantap Mittop…. Sahali sahali do ho makkatai alai MANDOIT bah, lok songoni unang somal, gabe hira pasar malam do dibaen ibu i kalas ta on"
-----#------#------#------#------

Copyright2017-Marulak Sinurat