-VALENTINE ROMANTIS-

jadi...Lao ma Bapak Mittop dohot Omak Mittop mar-Valentine tu sada Restoran na maccai romantis di kota Siborongborong, sengaja do ditadingkon halak i si Mittop asa unang mengganggu, alana binoto ma si Mittop on sipata pagodang hu sukkun sukkun na…

Dung sahat halak i dibereng halak i ma dekorasi ni restoran i serba Pink…

Bapak Mittop : "bahhh… demi Valentine on gabe mago do akka ULOS BATAK di restoran on ateh Mak'ek, hape akka ulos batak hian do hiasan dekorasi ni restoran on, sonnari gabe akka harotas dohot bunga bunga na pink sude ateh…"

Omak Mittop : "ido sipata bisnis on Pak’ek.. demi hepeng olo do mago akka budaya, bereng ma akka par kota an....
akka parhuta huta na mangaratto tu kota an pe, ittor do naeng mar-Valentine hape apala omak na dihuta digabusi, manuhor bukku ninna hape asa adong do hepeng na mar-Valentine di kota an,
attar dituhor coklat tu hallet na apala omak na dihuta mangallang bulung gadong,
attar perasaan cinta abadi ma halak i hape holan sae Valentine ditadingkon, ia dung SEGA annon ala ni Valentine i gebe bunuh diri ma...
ima sipata Pak'ek akka na mora di kota an lancar bisnis kafe na alana akka parhuta huta namaratto tu kota an pittor perasaan mamora do, "sok sempit dan sok keKinian", sude gabe sok gaul sok moderen do, makana akka mangan di kafe sude hape kiriman sian manjual kopi di huta do dipahabis nasida.
ehhh tahe..asi roha sipata memereng natua tuana di huta hir hodok.
boasa ma ateh Pak'ek akka pangaratto nasian huta huta tu kota gabe lupa Rimbang ?
bereng ma akka status FB ni parhuta huta na masuk kota i, pattang so bilak do, pattang so 10 kilo coklat silver Queen di foto i, pattang so mengucapkan sayang sayangan, pantang so paling hebat, pattang so diattusi be bahasa batak mandok hasian, perasaan paling mengerti arti cinta valentine, attar attar berucap syukur dohot martangiang ma di valentine on hape apala omak dohot bapa na so hea ditangiakkon.
VALENTINE DITANGIANGKON HAPE OMAK BAPAK NA DI HUTA DANG DITANGIANG KON..

Bapak Mittop : "hope… tong do songoni, halak dihatai ho, pala ma sappe ditinggalhon ko anak ta si Mittop di jabu holan naeng mar-valentine di restoran on, sarupa do tong ho tu akka pangaratto na di kota an…"

Omak Mittop : "ahhh ho nian Pak’ek, ittor situlluk mata ni horbo do, kan sahali dope hita makan malam romantis Pak’ek, hape nga 12 taon hita dung saut.
Masak sih Pak’ek tidak memberi waktu malam ini aja, Mak’ek juga kan pengen dimanja..."

Bapak Mittop : "Tole ma Mak’ek… pesan ma aha naeng allangon ta…. pittor pillit ma natabo i asa tobbus na mar-valentine on"

Omak Mittop : "anon mai Pak'ek, jolo hundul hundul jo hita mengenang haposoanta ujui, molo na mangan i anon majo, pokokna malam on milik kita berdua ya Pak'ek….
eeemmmhhh Pak’ek… makin sayang lah aku sama Pak’ek…"

Bapak Mittop : "ahh bohai.. ? masak sih ? sayang nimmu alai sering do ho patubekbek tu au, sayang nimmu ho alai sai disonggahi ho do au"

Omak Mittop : "eeh amang Pak’ek sayang… naso diboto ho do nadiroha kon Pak’ek,     ala holong ni rohaku do tuho asa hubekbeki ho.
ba ho majo, saik gatteng ho alai dorun, aha ma dang marepet au, maksudku asa gatteng jala rapi doho dibereng akka dongan mu makana hubekbeki tiap ari…
ido dabo hasian, olo ho songon hobbar balok ta an poso dope alai nga magkirput ?

Bapak Mittop : "bahhh ido hape Mak'ek…? Tole ma"

Huhut ma ngelendot Omak Mittop tu gotting ni Bapak Mittop….

Omak Mittop : "ido hasian…. Naso diboto ho do nadiroha kon ?"

Bapak Mittop : " pittor akka begu aha haroa diroham sayang ?"

Omak Mittop : "aut sura gabe PIDONG ho, lok ma au gabe HABONG na, asa boi rappak hita manang tudia pe hasian"

Bapak Mittop : "So Swiiitttt…. Aku jadi terharu Mak'ek..."

Omak Mittop : "Molo gabe HAU ho, lok ma au gabe DAKKA na, asa domu hita torus…"

Bapak Mittop : "olo Mak'ek…. Huboto do na cinta tulus ho tu au..."

Omak Mittop : "Molo gabe MOTOR SAMPRI ho, lok ma au gabe BAN na, asa rap hita tu dolok tu toruan... lengket sepanjang masa"

Bapak Mittop : "amang tahe romantis nai hita borgin on hasian,
gabe berflower-flower ate ate ku,
gabe naeng MARSIRANGGUT ma huhilala"

Omak Mittop : "iihhh... pak"ek..."

Bapak Mittop : "Jadi autsura gabe HANDPHONE au, Gabe aha ma ho hasian ku ?"

Omak Mittop : "molo gabe HANDPHONE ho, Au gabe KARTU na hasian, asa LOKKOT hita manang didia pe…"

Hape pittor toppu ma marijjaki Bapak Mittop huhut las Rohana : "Yess !!!!

Omak Mittop : "mahua hasian ? boasa songon na MERDEKA hian ho ?"

Bapak Mittop : Las hian rohakku molo gabe KARTU ho hasian, Alana au kan HANDPHONE CHINA do, molo Handphone China kan 3 KARTU na"

Omak Mittop : "baba mi…. berarti maksudmu naing 3 hali ho kawin ?
eeehh bursik ma ho… Lakkai jo bakke ku asa boi GANTI KARTU ho da…"

Bapak Mittop : "bah ho do mandok puang Mak'ek, iba sitolop do..."

Omak Mittop : "Buet pe taho 3 KARTUM dang pardulikku i, lomom ma haru si 4 KARTU pe taho. asa diboto ho da, au pe boi do mangalului Handphone SAMSUNG dohot BLACKBERRY...

Ujungna gabe dang jadi be halak i mangan malam romantis....
😃😉😍

HeHeHeHe....