-MARSILESENGAN-

Disada borngin minum tuak ma Bapak Mittop di lapo ni Nai Ramces, marpungu ma akka ama ama disi maccai ribur. Adong do Bapak Guttur, Bapak Hotlan, Amani Sasserbeng, Amani  Geok , dohot do tong Sihombing par Gigi Mas, suang songoni si Kapolda.

ia si Kapolda on molo sabutulna par grosir terkenal do on di Siborongborong, dang na polisi ibana.
Alai tutu holan na manggang do karejo ni on molo makkatai polisi, na sundat gabe polisi dora najolo, pattang so sude do polisi di Indonesia on ditanda ninna, songoni do tong di Heppon na sude akka goar ni jolma ikkon marpangkat polisi. Simatua na dibaen pangkat Letnan, lae na guru SD do dibaen pangkat na AKBP, haru dohot parnijabu na ibaen goar na di Heppon “Bribda Sondang Uli Marimpot impot,SE.”
ala ni ido gabe digoari halak ma ibana di Siborongborong on si Kapolda.

Lanjut ma marmitu akka ama on maccai tabo. Gabe dipadomu ma meja 1 dohot meja 2 alani ribur ni akka ama i. marpeakan ma akka tambul, adong Seje (atik sian dia do rumus ma makana gabe seje dibaen goar ni ulok HaHaHa), adong Biawak, adong Pinggol pinggol, adong Tahu Tempe, Adong Lele ungkep, adong Manuk tu Parsubang gota HaHaHa… sude ma lengkap di lapo tuak ni Nai Ramces on.

Molo di meja opat akka doli doli naso Lakku ma marpungu (termasuk Penulis HaHaHa), akka paredde ma attong di Meja Opat, maccam ma akka lagu silih berganti diendehon, mulai sian lagu batak sahat tu lagu dangdut koplo habis sude, sahat mai tu lagu Sambalado si Tingting dohot Belah Duren ni si Jupe.

Jadi disela sela MITU on, marsilesengi ma Bapak Mittop dohot si Kapolda, biasa ma akka di kode tuak marhata gaor akka jolma atehh…

Si Kapolda : “nga jelas attong da… dalam hal aha pe tong do lebih unggul au sian Bapak Mittop”

Bapak Mittop : “idage… ittor aha ma naeng ke unggulan mu kale.
172.000 utang tuak ku tu Nai Ramces, tong do adong utang mu 175.000, unggul aha ma songoni ?”

Si Kapolda : “jelas dong…. Bereng ma grosir hu berkembang pesat, hape ho tong do songoni..”

Bapak Mittop :
“nga jelas berkembang pesat grosir mu dabo kale, aha ma dang berkembang ai molo adong jolma manuhor didokkon hodo dang adong ulak na. 100.000 diboan hepeng dang adong ulak na, 200.000 tong dang adong ulak na, sandok manuhor sabijik bobbon dohot manuhor balanga dos dang adong ulak na, mamora ma attong ho kale…”

Gabe mekkel ma sude jolma di lapo i…

Dilesengi Si Kapolda ma muse Bapak Mittop : “ngingi ku bagak, ngingim tasikon, ima tanda na ngingi ku terawat dengan baik dengan pepsoden tiga perlindungan ganda”

Pittor dikompori Sihombing Gigi Mas : "amang tahe, tasihon attong ngingim pak Mittop"

Bapak Mittop : “eeiii amatta… tasihon do ngingiku memang alai molo makkarat jago dope, haru sude tutup botol Sosro di Siborongborong on papungu sanggup dope hungatngat pakke ngingi ku..”

Si Kapolda : “siallangonku tabo tabo, saksang do torus huallang tiap ari dang songon ko gambas”

Bapak Mittop : “bahhh dirippu hodo naung jago mangallang saksang ? idage Kapolda… unang sai allangi B2 i kale, lak gabe Tading annon Pangalahona diho….”

Mekkel ma sude akka ama i mambege leseng leseng ni halak on

Si Kapolda : “au hepeng do ro tu au, dang songon ko dipasaran mangalului hepeng….”

 

Bapak Mittop : “iabaggg dagedage..
dipasaran pe au karejo amatta bereng ma ne umbottar do au sian ho, kulit ku mulus, putih halus dan berseri. Hape ho dijabu torus alai Marbirong…”

Di kompori si Hombing Gigi Mas ma muse :
“aidia do tutu, kalah mulus ni nadijabu maribbar di pasaran..”

Mekkel ma sude akka na dilapo i…

Lamu songi ma leseng leseng ni halak on....

Si Kapolda : “eehhh Bapak Mittop.. bangga ho Putih ? idage.. Lemah doho. Saya memang HITAM, tapi HITAM itu Kuat...."

Bapak Mittop : “kuat aha ma nuaeng akka na Hitam on kale ? tong do tolu galas dope masuk nga jekpot ho tu kamar mandi… jei aha ma kuat ni i ?”

Si Kapolda : “Molo Hitam TAHAN LAMA asa diboto ho, 2 JAM tuingg torus, dang songon ko bottar LEMAH…”

Dikompori Sihombing Gigi Mas muse : " aidia do attong da , jei sakkidopdo hape Bapak Mittop"

Bapak Mittop : “toho do TAHAN LAMA nian akka na berkulit HITAM songon ko kale, alai diboto hodo ? LAMA MANGALULUI do kale….”

Mekkel ma sude akka jolma di kode i sappe marcillong cillong Gigi Mas ni Sihombing alani geok na dihilala.

 

Dilanjuthon Bapak Mittop ma muse : “eeeikk kale, LAMA MANGALULUI do kan ? 2 Jam nimmu hape 1 jam 45 menit si nyonya mangalului do alani golap na, dokkon ma nian 15 menit do…”

Lamu sude ma margahargak akka jolma di kode i, nga rodi dohot akka lajang lajang naso Lakku di meja opat mate mekkel….

Si Kapolda : “iss tidak lah yauuuu....
Tiop ma tiang i”

Bapak Mittop : “cie cie… 2 jam niyeee.. LAMA MANGALULUI….

-------//-------//-------//-------