MITTOP - BOBBON OCCOP BERENG

Disada ari, masuk ma muse Pak Regar tu kalas 4 mangajar matematika. alai andorang so masuk ibana jolo dipodai Kapala Sikkola Pak Sianturi, buti :
“Pak Regar, sabutul na malo malo do di kalas 4 i kale, alai tutu ikkon sabar ma hita akka guru on mangadopi, apalagi ma Si Mittop ikkon porlu perlakuan khusus do tusi. Molo mangajari matimatika baen attong tudos tudos, attar songon “sada lappet + dua lappet, sadia mai anak anak” , molo attar songoni diattusi do i kale. Manang baen tudos tudos tu Hapundung manang Sotul manang aha mai. Jadi unang pala siteres Pak Regar masuk tu kalas 4.

Dungi masuk ma Pak Regar tu kalas 4, mulai ma pelajaran Matematika… dung sae dipatorang gattian ma sada sada akka murid i disukkun..

Pak Regar : “Kartince, sadia ma 90 : 2?”

Kartince : “ 45 bapa…”

Pak Regar : “bagus…., molo 80:2 sadia mai Hokkop ?

Hokkop : “40 bapa….”

Pak Regar : “bagus… anak ni bapak na ma on…., molo ho Poteria sadia 40:2?

Poteria : “20 bapa…”

Pak Regar : “bagus inang… songonon ma nian sude akka murid SD di Siborong borong on….

Dungi dapot ma giliran ni si Mittop, marpikkir ma Pak Regar piga bagi piga ma baenon asa diattusi, alana minggu na salpu 1500 hurang 750 dang diattusi, didok do alusna 250… heemmm…. hubaen annon na maol gabe siteres ma au mangajari… heemmm… ai toe ma tahe… molo dang diattusi ikkon mallapak jo hubaen pakke balobas asa jora ibana… holan si Mittop on ma mambaen siteres akka guru di Siborong borong on…”

Hape si Mittop pe nga sekongkol dohot si Guttur asa diajari ibana, di dok si Guttur “bereng ma annon pamangan ku mangkubit ubit gabe kode na da “

Pak Regar : “ ho Mittop…. Sadia 20 : 2 …?

Dibereng Si Mittop ma tu si Guttur, diparrohahon bibir ni si Guttur mangkubit ubit, oooo… dapot..

Dialusi Si Mittop : “10 bapa….”

Inna roha ni Pak Regar : “bahhh… na songgop do sian hariara an, tarsor tikkos alus ni si Mittop on…”

alai curiga pak Regar, songon naso hea songonon… heemmm… main main hamu tau au da… age bereng….

Pak Regar : “maju ho tu jolo Mittop….”

Maju ma si Mittop huhut mabiar, ninna roha na “aiabaggg namahua do Pak Regar on dabo, pola ma ikkon maju iba… amang mate ki jo mamereng bapa on, ahhh amang tahe hona longgi ma annon au pakke balobas…”

Pak Regar : “hadap tu papan tulis ho Mittop….”

Pittor menghadap tu papan tulis ma si Mittop, inna roha na “parsuda ku ma dison, ikkon hona ma au sadari on, amang mate ki jo… dang boi be hubereng pamangan ni si Guttur mangubit ubit…”

Pak Regar : “molo 1 : 10 sadia mai Mittop ?”

Sip ma si Mittop ala dang diattusi…

Pak Regar : “heiksss… Mittop… sadia 1 : 10 ?’'

Si Mittop : “dang kuboto bapa…”

Pak Regar : “molo on mallapak ma annon balobas on age bereng…
nakkin 20 : 2 diboto hodo 10, ia boasa 1 : 10 dang diboto ho ? ai na loak ma jolma songon ko,
alusi so hupaspas ho.. sadia ..?

Si Mittop : “dang kuboto bapa…”

Jei taringot ma Pak Regar tu poda ni Kapala Sikkola mengenai tudos tudos, inna roha na toe ma hucuba jo metode tudos tudos, atik boha gabe diattusi….

Digabbar Pak Regar ma dipapan tulis sada gambar bobbon Loly-pop, dungi ninna ma : “di tanda ho do aha on Mittop ?”

Si Mittop : “hutanda bapa…”

Pak Regar : “aha ma on kale … ?”

Si Mittop : “Bobbon bapa…”

Pak Regar : “bahasa Indonesia ni on permen Loly-Pop, diboto ho do aha bahasa batak ni on ?”

Si Mittop : “huboto bapa, BOBBON OCCOP BERENG….”

Pak Regar : “bagus… attong molo adong bobbon mu sada bijik dibagi ho tu 10 halak dongan mu, sadia be ma hamu… ?

Tong dang boi dialusi Si Mittop… sip ma ibana marpikkir huhut mabiar….

Pak Regar : “amang marsak nai jo au mamereng ko Mittop, ikkon boha nama au patorangkon asa diattusi ho, heiksss… nga binaen tudos tudos tu Bobbon tong dang diattusi ho…heikkss loja nai au mangajari ho”

Muruk ma Pak Regar, pittor jongjong ma ibana mambuat balobas naeng mamaspas Si Mittop...

Pak Regar : “mallapak ma tanggurung mi age bereng… husukkun sahali nai, adong SADA Bobbon mu dibagi SAPPULU halak, sadia be ma sahalak…? ALUSI….!!!!

Pittor dialusi Si Mittop ma : “ SANGOCCOP be bapa….”

Pak Regar : “aiabaaggg… mate ki jo na mangajar dikalas 4 on oppung… heiksss… ai na dodong ma jolma songon ko Mittop, sian dia do dalan na SADA dibagi SAPPULU gabe SANGOCCOP... ? heikksss…holan na naik do tensi ku dibaen ko… heikss…”

Pittor lao ma Pak Regar kaluar huhut patubekbek : “tong ma habis habis manuhor JUS BELIMBING iba dikalas 4 on… sabbor mai holan na naik tensi ku dison… SANGOCCOP ninna sada dibagi sappulu… heiksss bagian ki…

Gabe mekkel ma sude murid ala alus ni si Mittop i, Ninna si Poteria ma : “dang olo au SANGOCCOP dohot ho Mittop, bau hosam…”

Ninna si Kartince ma muse : “gabe manginum JUS BELIMBING dibaen ko bapa i Mittop,, ai jekkel ma ho kale…. Hea do 1 : 10 = SANGOCCOP....
----------00----------00----------00----------00----------

MARULAK SINURAT

#BahagiaItuSederhana
*Gambar illustrasi dari google

Copyright 2016 - Marulak Sinurat