-MANGUKKAL HOLI-

Jadi disada tikki..... adong ma pesta MANGUKKAL HOLI dikeluargani Omak Mittop, ima na naeng panaikkon saring saring ni Oppung Mittop tu Simin (Oppung Mittop sian Omak na). Marroan ma sude akka tondong sian pangarattoanna be, sude do mulak tu huta termasuk Tulang ni si Mittop sian Palangkaraya, sian Jakarta suang songoni sian Bengkulu. Dapot ma mata ni ari i, rap udur ma sude keluarga dohot dongan huta tu kuburan, retta do tong dohot perangkat desa dan pihak kepolisian sebagai pihak pemberi izin. Dung dipukka ulaon i dengan kebaktian singkat, mulai ma Pangukkalon, Adong ma dua halak ama na bertugas sebagai pangukkal. Sude ma keluarga mangkaliangi tanoman Oppung i, dang ketinggalan dohot si Mittop pe pittor Majjurgang do di topi ni tanoman i, alana baru sahali on dope dibereng si Mittop acara Mangukkal Holi. Lamu bagas diukkal, lamu dang sabar be akka keluarga paimahon.... Sai mulak ulak ma Omak Mittop manukkun : “Boha do ito…? Nga dapot…? Boa do…? Bagas dope…?” Dang piga leleng dapot ma holi ni Oppung on, Minar ma sude bohi ni keluarga..... Ninna Ama pangukkal i ma sian bagas ni kuburan i : "Tangan na..." (Huhut dileon tu gijjang) Pittor sude ma akka napungu disi mandok : Horas... Horas... Horas... Jala Sude ma keluarga marsigulut mangumma tangan ni Oppung i. Mangangguk ma Omak Mittop : "Amang jo tahe inong.... Nga tinggal Holi be hape tangan mon inong...Heiks...Heiks...Heiks... Hape tangan mon do tikkini mamastap hami umbaen boi hami songonon inong...Heiks... Heiks... Heiks..." Ninna Omak Mittop ma tu si Mittop : "umma tangan ni Oppung mon amang... On ma tangan ni Oppung mu amang...umma hasian..." Dang sadia leleng muse ninna Pangukkal holi i ma : "Pat na..." (Huhut dipasahat tu ginjang) Pittor sude ma akka napungu disi mandok : Horas... Horas... Horas... Jala pittor marsigulut ma muse akka keluarga maniop jala mangumma pat ni Oppung i. Mangangguk ma muse Omak Mittop : "amang jo tahe Inong....Nga gabe Holi be hape Pat mon inong...Heiks... Heiks... Heiks... Hape pat mon do najolo manujjang hami umbaen na hasea hami Heiks... Heiks... Heiks..." Ninna Omak Mittop ma tu si Mittop : "umma pat ni Oppung mon amang... On ma pat ni Oppung mu amang...umma hasian..." Dungi muse ninna ama pangukkal i ma : "Hosang na..." (Huhut dipasahat tu ginjang) Pittor sude ma akka napungu disi mandok : Horas... Horas... Horas... Marsigulut ma muse akka keluarga mangumma Hosang ni Oppung i. Mangangguk ma muse Omak Mittop : "amang jo tahe inong... Nga tinggal Holi be hape Hosang mon inong... Heiks... Heiks... Heiks... Hape inong do tikkini mamburettengi hami umbaen na hasea hami Heiks... Heiks... Heiks..." Ninna Omak Mittop ma tu si Mittop : "umma Hosang ni Oppung mon amang.. Bereng ma ne bagak ni Oppung mon...Amang tahe Inong kon bagak nai...." Tarbege ma muse sian Toru ni tanoman i suara pangukkal Holi : "Obut na…SANGGOLOM..." (Huhut dipasahat tu ginjang) Pittor sude ma akka napungu disi mandok : Horas... Horas... Horas... Marsigulut ma muse akka keluarga mangumma obut ni Oppung on. Mangangguk ma muse Omak Mittop : "amang jo tahe inong...Tinggal SANGGOLOM nama hape Obut mon inong...Heiks... Heiks... Heiks... Hape Ganjang jala Hapal hian do obut mon inong... Heiks... Heiks... Heiks..." Ninna Omak Mittop ma tu si Mittop : "bereng ma amang.. On ma Obut ni Oppung mu nahinan...Umma amang...umma jo obut ni Oppung mon hasian... Bereng ma ne Tinggal SANGGOLOM nama Obut ni Oppung mon...Hape na uju i Nabagakan obut ni Oppung mon, Ganjang jala Hapal..." Dungi tarbegei ma muse suara ni pangukkal holi : "Obut na muse... molo on Gajjang do.... (Huhut dipasahat tu ginjang) Pittor Sude ma akka napungu disi mandok : Horas... Horas... Horas... Hape Toppu ma marsiberengan Omak Mittop dohot akka Tulang ni si Mittop jala rappak unduk ma halaki... Ninna Roha ni Omak Si Mittop : "bahhh... Ai on do hape obut ni inong... ? Pittor mangangguk ma muse Omak Mittop : "Amang jo tahe inong... Bagak nai obut mon inong... Heiks... Heiks... Heiks... Tong dope hape Ganjang jala Hapal obut mon inong... Heiks... Heiks... Heiks..." Ninna Omak Mittop tu si Mittop : "On ma obut ni Oppung mu amang... Bereng ma ne bagak nai kan obut ni Oppung mon... Umma obut ni Oppung mon amang... Bagak nai ne, Marbirong dope..." Hape Toppu ma didok si Mittop : "OMAK…ATTONG NA HU UMMA NAKKIN DANG OBUT NI OPPUNG I ...???" Omak Mittop : "heeehhhh... Sip ma ho, dang diattusi ho i (huhut digotil si Mittop on) unang jo pola pagodang hu hatam sadarion ahhhhh....." ----------00----------00---------- copyright 2016 - Marulak Sinurat #bahagia_itu_sederhana