Alani ima umbaen sai patubekbek torus Omak Mittop, songon nattuari sada pe marepet do Omak Mittop : "ai tung urus jo daging mi Bapak Mittop, loja ho manarik alai dang nanggo adong istirahat, ai tujabu joho apala maridi, margatti baju asa ias, sek gatteng ho alai sai hira nadipinggir dalan i ma hubereng ho. Anggo dang ho be mangurus dirim gabe ise ? heee ?
holan na minum Tuak torus, bodduti ma sude Tuak di Siborongborong on.
ama ama ni halak an poso dope berengon hape ro ma ho nga sai hira marpahoppu apala gelleng mu pe kalas opat SD dope……"
Songoni ma torus Bapak Mittop on, mulak manarik jam 5 sore pittor MiTu alias Minum Tuak….
Tap mai….
Sadari i maccai mantap hian do dihilala Bapak Mittop on na MiTu i, maos ma diuse tuak i…
Sateko nai… Ninna…
pinggol pinggol satapak nai… Ninna Muse...
Tabba ma muse dihambirang na akka doli doli maredde maccai uli “Ullushon au alogo manang tudia pe taho…”
Ujung na Cantik ma Bapak Mittop on alias Mabuk……
(HAHAHA.. Molo di Medan on hami dang mabuk didok, diperhalus do i gabe Cantik… sipata mentel do iba mandok Chuanthikkk… HAHAHA)
Jadi mandapoothon jam tonga walu borngin mulak ma Bapak Mittop on dalam keadaan Chuanthik nakkin..
mardalan ma ibana sai hira “Halak Halak” nadisaba i… oyeng ke kiri… oyeng ke kanan…
Tap…. Sahat ma Bapak Mittop dijabu…
dibukka ma Pittu..kreeeeuukkkkk...krekkk...krekkk...krekkk...
Pittor masuk Ibana tujabu…
Sian kamar dibege ibana do adong soara ni ina ina : "bah… naung mulak do ho Pak Nirmala, nga loja ho ate pa… paima da pak’e baru sae dope au maridi…"
Bobangon Bapak Mittop , inna rohana : "asing… boasa gabe cet na balau jabu nami on ? ahhh tahe alani mabuk i dora asing pamerenganku…"
Baru pittor masuk ma ibana tu kamar, holan di Bukka ibana kamar tong bobang ibana mamereng seisi kamar.
Ninna roha Bapak Mittop : "bahhh…. Sadihari Omak Mittop Markulambu modom, ai sona hea olo omak Mittop Markulambu… asing saborngin on..."
alai Nang pe heran Bapak Mittop i dang pola dipikkiri ibana i, Pittor masuk ma ibana tu kalambu i…
Dibereng ibana ma Pittor kaluar ina ina i sian kamar mar adduk adduk dope, huhut dibege makkatai :
“ paima da pak”e… asa hubaen kopim, nga loja ho Pak’e…"
asing.... inna roha ni Bapak Mittop... sadihari gabe labbok Omak Mittop on makkatai ?
Dipilos Bapak Mittop ma simalolong na, nonar ma ibana mamereng kamar i..
dibereng ibana adong lamari nabalga, adong kulkas…
Ninna rohana : "sadihari Omak Mittop manuhor kulkas…???
dibereng ibana ma muse tu dinding adong foto pengantin… Bahhhh.....
Pittor makkatai ma Bapak Mittop Sahalak na : "Mattehhhh… salah masuk tu jabu ni Nai Nirmala au… maup ma… Parsudakku ma on....Pittor hatop ma Bapak Mittop kaluar sip sip …"
--------------------dungi--------------------
Dang piga leleng masuk ma Nai Nirmala mamboan sagalas Kopi tu kamar...
di ida ibana dang adong dikamar Bapak Nirmala,
ninna rohana : "bahhh… natudia do Bapak Nirmala on…. Ooo tahe… na tu kode do ra tokkin manuhor sigaret…."
Dipeakkon ma kopi i di meja jala kaluar ma Nai Nirmala sian kamar.
dang piga leleng mulak ma Bapak Nirmala, holan dipittu dope amatta on nga pittor disambut Omak Nirmala….
Omak Nirmala : "sian dia do muse ho Pak’e… ? makana Pak’e molo habis sigaret mu pittor tuhor hian sian kode andorang so sahat… nga hubaen kopim di gijjang ni meja da Pak’e..minum jo ho asa maridi"
Bapak Nirmala : "asing sukkun sukkun mu Mak’e… ipe iba sahat.."
Omak Nirmala : "ipe sahat nimmu nga apala peak peak ho dipodoman nakkin"
Bapak Nirmala : "peak peak boha maksud mu ? ipe au mulak.. dang dibereng ho apala sipatu ku pe so hubukka dope ?
Omak Nirmala : "bah… attong ise do baowa namodom nakkin ?
Bapak Nirmala : "apa ???? aha Nimmu ? berarti nadipasasuk ho do baowa tu jabu on ?
Omak Nirmala : "daong amang… palias roham Bapak Nirmala… attong ise.......
Bapak Nirmala : "diam… berarti selama on molo karejo au dipasuk ho baowa tu kamar, tega nai ho omak Nirmala… amang jo… karejo au banting tulang mati matian untuk rumah tangga ta, untuk masa depan ta, hape dipamasuk ho Baowa tu jabu .. ?
Ujung na marbada bolon ma halak i sappe dipapungu Bapak Nirmala akka raja huta…
Tarsar ma barita saborngin i naeng paulahon ni Bapak Nirmala ma Nai Nirmala ala pamasukkon baowa tu jabu...
Sahat do kabar i tu Bapak Mittop, menyesal do ibana nian, ninna rohana : "dang na dipamasuk Baowa tu kamar, au do namasuk sandiri...nasala masuk do au"...
Alai sai sip do bapak Mittop dang olo paboahon cerita sebenarnya ala mabiar gabe dimuruki akka dongan sahuta…lumayan dope molo holan dimuruki, boha muse ma molo diusir.
Gabe disimpan Bapak Mittop ma Rahasia salah masuk kamar i sebagai kenangan yang tak terlupakan…
“jora ma au minum sappe tenggen, alai lok ma salah masuk kamar i gabe Scret ma i diau” ninna rohana…
---------------------------------------------
HaHaHaHa…
Unang paserius hu bahhh… holan cerita gaor do on HeHeHeHe….
Makana akka ama i unang sai mabuk atehh…
boi do minum alai ikkon dikontrol do ateh akka amang, ikkon tong dope ingoton 5 x 5 = 25 dengan kata lain ikkon waras dope nata pe minum ateh… sotung salah masuk tu jabu ni hombar balok……HeHeHe...
Horasss !!!
copyright 2016 - Marulak Sinurat
#bahagia itu sederhana
Tidak ada komentar:
Posting Komentar