ia Bapak ni si Mittop on holan na tu lapo tuak do karejona tiap borgin.
torus holan Na MITU di lapo ni Nai Ramces yang melegenda, so he apala diajari si Mittop marsiajar, sandok holan dapot jam 6 potang pittor heppot do Bapak ni si Mittop on tu lapo Tuak Nai Ramces.
ia muse dang na sun be, sai Bapak ni si Mittop on do ullelengan mulak, jolo tutup pe lapo Nai Ramces asa mulak iban, makana didok halak ma ibana “Sigombok Harbangan”.
Setiap borgin ikkon mulak tonga borgin do Bapak ni si Mittop on, hut muse so mattak be guttur na molo mandurdahi pittu, tarbege rodi sahuta :
“oiiii Omak Mittop… bukka pittu on… plak..plak..plak…. malapak lapak ma pittu ditujangi” (hape akka amatta ni halak tok..tok..tok.. ninna do)
Sai maila do Omak ni si Mittop maradophon hobbar balok, inna roha ni Omak Mittop :
"andigan pe maruba Bapak ni si Mittop nami on dabo, ia amatta ni halak jam 8 borgin nga dijabu.
Amani Lopes pe parminum do, Amani Karpidol pe parmabuk do, Amani Esperalda, Amani Poteria, Amani Cantik Manis dohot Amani Tungkot parminum do sude alai paling leleng jam 9 borngin nga mulak.
ehh tahe Bapak ni si Mittop on, maila nai au dibaen ho, hape au ringgas partangiangan ruas dohot partangiangan parsahutaon, dohot do muse au Parari kamis…
ehhh amang tahe bagian ki, dang sukkup hape holan mangallang cinta dinamangolu on…."
Hape dinamaranganangan i Omak Mittop toppu ma mulak Bapak Mittop sian lapo Tuak, dung sae didurdaki akka dongan sahuta, menak ma Bapak Mittop, kesempatan ma makkatai Omak Mittop, Ninna ma : "oooiii Bapak Mittop… molo tung ikkon tonga borgin nama ho mulak, unang pa guttur hu ho amang, maila hita saotik amang, sappe didok halak ma ho “Sibola Huta”, bereng ma nga digoari Ama Esperelda ho “Sibarbar Losung”, ai naso maila do ho Bappak Mittop….?"
Ninna Bapak Mittop : "hu pauba pe Mak"ek…. Alai danget danget ma mak"ek.. lean waktu tu au..."
Omak Mittop : "Mulai sian na sohot hita sappe nga kalas 4 SD si Mittop sai tong do danget danget nimmu…
atik andigan pe boi sahat.
Bapak Mittop : "sabar ma ho Mak"ek.."
Omak Mittop : "buti mai Pak"ek, jaga onta do tetanggatta dabo….
Sogot Lubangi ma dinding kamar ta i apala nasa on (ninna Omak si Mittop huhut memperagakan jari jempol dan telunjuk membentuk lingkaran)
Bapak Mittop : "bahhh… tu aha Lubang i Mak"ek….?"
Omak Mittop : "ulahon ma nian… asa boi lomo lomom mulak jam piga pe taho"
Bapak Mittop : ????? (bingung)
Ninna Omak Mittop ma muse : "Pamasuk ma Hau na gajjang tu lubang i, hubaen pa sada piring kaleng di ginjang ni meja, molo mulak ho tonga borgin dang pola be digurdahi ho pittu i, unang targanggu akka jolma sahuta.
JUKKIT ma piring na di meja i pakke hau nagajjang nakkin asa madabu. molo nga madabu piring i marrapang, nga huattusi be naung mulak do ho sian kode tuak. ingot da Pak"ek, ikkon JUKKITON mu do tiap borgin molo mulak ho..."
Aman mai i attong……
nga hampir sataon dang hea be guttur di huta molo mulak marmitu Bapak Mittop tonga borgin, dohot do akka hobbar balok heran.
ninna roha ni akka hombar balok : "bah naung bertobat do Bapak Mittop ?"
Bapak Mittop pe lamu sonang ma rohana namarkode Tuak i, tong ma gabe “Sigombok Harbangan” ibana di lapo tuak ni Nai Ramces an…
Tap mai...
Toppu ma naso panagaman Marujung Ngolu ma Bapak Mittop…
Pittor hobas ma sude akka dongan huta patupa akka sipatupaon, tenda, dandang, balanga,tikkar, sude ma i dihobasi.
alai molo Omak Mittop holan na mangangguhi torus… nga sappe dihaol Nai Esperalda dohot Nai Ramces ibana asa tenang.
Ninna Nai Ramces ma tu Nai Esperalda : "Lok ma edak, lok jo dipapuas Omak Mittop namagandung i, asa lubbang jo na diroha nai…pasombu ma songoni edak"
Marroan ma akka tondong, akka sisolhot suang songoni akka pangula ni huria tu jabu...
Dung Ribur akka jolma dijabu i, toppu ma muse mangandung Omak Mittop, massai lungun do Andung na. Ninna ma diandung nai :
"amang jo Bapak Mittop heiks...heiks...heiks...
Hatop ma ho Lao Bapak Mittop heiks...heiks...heiks...
boasa ditinggal hon ho au Bapak Mittop hasian ku,
ise nama MAJJUKKIT au Tonga Borgin.
Ooooiii Bapak Mittop heiks...heiks...heiks...….
Dang adong be MAJJUKKIT au tonga Borgin
heiks...heiks...heiks...
Hape baru nabudari dope DIJUKKIT ho au Bapak Mittop...
Amang jo posi nai panading mon Bapak Mittop…. heiks...heiks...heiks....
Hape Nga hampir sataon on DIJUKKIT ho do au tonga borgin…amang jo Oppung ..."
Bobang ma sude jolma mambege andung ni Omak Mittop..
Dihusippon Nai Esperalda ma tu Nai Ramces : "ai boha do andung ni Omak Mittop on, Manjukkit tonga borngin ninna... aahh... asing Omak Mittop on..."
Nai Ramces : "sobinoto, gabe tarsubang do iba ahh..."
Nai Poteria : "dang adong be MAJJUKKIT Omak Mittop edak..."
-----00-----00-----00-----00-----00-----00-----
#Bahagiaitusederhana
copyright 2016 - Marulak Sinurat
*image from google
Tidak ada komentar:
Posting Komentar