Berangkat ma nasida naik motor Bintang Utara sian Siborongborong.
Dung lewat sian parapat pas ditombak tombak i,
mangido Kossing ma si Mittop.
Jei ninna kernet i ma : asing maho ah, nakkin mangan di Parapat dang kossing ho, apala dung di tombak tombak baru mangido kossing.
Si Mittop : boha ma tulang, nakkin tabo hian huhilala na mangan i sappe lupa au naeng kossing.
Kernet : maup ma tali ni timba, dua nai sewa songon ko olo ma robot sahat Hita di Medan.
Omak Mittop : ai paso ma nian, dohot do apala kossing ikkon guttur ho...
Ujung na ninna kernet i ma : so jo supir, naeng adong kossing.... hatop ma....
Sekalian ma dison akka ise nanaeng kossing,
dang adong be annon so motor on.
Ujung na so ma motor i, laos turun ma Si Mittop naeng kossing.
Songoni pe akka sewa na asing turun ma.
Hape kernet i pe tong ma disangahon kossing, biccan so tahe inna roha na...sekalian ma bulus.... pittor marlojong ma kernet i tu sada bona ni hau na balga.
Si Mittop attong, ala dakdanak dope dang adong ilana laos di pinggir dalan i do diusehon kossing na.
Molo Omak Mittop pittor marikkati tu Ramba Ramba dijonok hau na balga.
Dang pola diparrohahon Omak Mittop hape nga dibalik ni hau na balga i kernet nakkin.
Pittor jongkok ma Omak Mittop on : ssuurrrrr....srut...srut...srut...
Tarsonggot ma Kernet i las ninna ma : eehh Nande... dang adong ilam, apala iba parjolo dison lak roho tuson.
Omak Mittop : Bahhh... ai adong do jolma hape...
eehh dang niparrohahon be puang, nirippu do tungko tungko hamu...
toe ma jongkok do au, dang pola berengon mu....
ai muse dang sitahanon kossing ito....
Kernet : dang adong ilam... Gabe iba do maila...sabbor mai...
Pittor lao ma kernet i mangalului bona ni hau na asing. Hape pas naeng lao ibana sanga dope dibege ibana songon na addong suara ni uttut.
Biasa ma nian akka ina ina na kossing diselingi muttut do, apalagi pas ujung ujung nai ate.
dang terasa be dihilala Omak Mittop nga muttut tong ibana maccai gogo : ssuurrrrrtt... surrrrtt...
Pruuttttttt....prut...prut...preetttt....
Pittor disonggak kernet i ma Omak Mittop, Ninna ma : eehh ina ina... Dang maila ho... Nga kossing mardeser tong dope Muttut... Bursik ma ho...
Pittor dialusi Omak Mittop ma : eehh tahe ito...ittor songoni do ho...
ai SADALAN DO UDAN DOHOT RONGGUR...
Kernet : maup ma tali ni timba...bursik deh....
-------//-------//-------//-------//-------
Tap mai... Sae ma suda akka sewa i kossing... Mardalan ma musek motor on... Pittor dijalo kernet i ma ongkos...
Kernet : ongkos.. ongkos... Unang attar dibaen modom.. Ongkos jo.... ongkos...dang adong sewa batu dison... Ongkossssss...
Dung sahat Kernet i dibangku ni halak Omak Mittop, pittor ninna Si Mittop ma : tulang... Bereng ma, adong naeng husukkun..
Kernet : ongkos... Unang attar dipalalap lapap ho au...
sudah banyak saya makan asam garam ya, biar kau tanda aku...
Si Mittop : Asing tulang on ah....alusi jo tulang...
Molo daong dang hubayar hami ongkos..
Kernet : bahh.. Naeng manantang do si tamelleng on tu au ? Bahh... Tole ma... aha sidokkonon mu haroa ?
Si Mittop : alana nga ganjang perdalanan ni tulang,
nga godang pengalaman ni tulang...
Manukkun ma au "boha ma cara manandai Hau, sabola diama Jolo ? Diama Pudi ?
Kernet : ahhh.. Bellak... dang adong tanda nai, dos do i sude.
Si Mittop : berarti dang huakkui dope tulang anak pasaran....
Kernet : asing ho, sukkun sukkun mu pe dang masuk akkal.
Si Mittop : jei maksud ni tulang dang adong tanda na ?
Kernet : nga jelas, aha ma haroa tandani hau sabola pudi dohot sabola jolo ? ai dirippu hodo songon jabu adong pintu na... na oto ma ho.
Si Mittop : wehh... Berarti dang anak pasaran tulang... Encik do tulang...
Kernet : aha nimmu ? di dok ho au Encik ?
Kurang ajar...gabe dakdanak ma mandok au Encik ? Bereng da potong pinggol hon molo adong tanda na..
Si Mittop : dang pala hupotong pinggol ni tulang i,
nga sai hira anggota DPR di Jakarta an tulang pakke janji potong potong begu attuk segala...
ongkos hu ma satonga baen, molo ongkos ni Omak ku hot pe taho... Boha ? Berani tulang ?
Kernet : oke... Menantang ho tu au ateh..
asa diboto ho da, nga 15 taon au marlintas Medan on... Dirippu ho na loak au, Dang adong tanda ni hau dia do jolo dia do pudi asa diboto ho.
Hau i bulat do, simetris do jadi dos doi sude... rata do Permukaan na...
Si Mittop : eeii tulang... adong do jolo adong pudi ni hau, unang sala tulang...
berengon pe dos hau i bulat alai adong do tanda na dia Jolo dohot dia Pudina.
Kernet : attong aha ma tandana molo hau i adong Jolo na adong Pudi na ?
Si Mittop : asa diboto tulang da, hupaboa ma aha tanda na bagian jolo dohot pudi.. alai ingot da tulang, ongkos hu satonga baen..
Kernet : olo.. Hatop ma, so hupaturun ho ditombak on...
Si Mittop : on ma cara manandai bona ni hau dia do pudi na, dia jolo na.
Bereng Tulang ma DOMPAK DIA HALAK KOSSING BERARTI DOMPAK IMA PUDI NI HAU i...
Tor toppu ma mati kutu kernet on hape akka penumpang na asing nga martopak ala las roha nasida memerang kernet i talu...
Murhing ma kernet i jala marbete bete : ongkos.. ongkos... Sarupa do ho tu Omak mu...
Omak Mittop : SADA SATONGA DO HAMI kan ito ?
Kernet : maup ma tali ni Timba...
-----00-----00-----00-----
copyright 2016 - Marulak Sinurat
*image from google
Tidak ada komentar:
Posting Komentar