si Mittop : Oppung.. Diboto Oppung do marbahasa inggris ? adong PR hu sian Ibu Sondang Sinurat, ajari jo au Oppung..
Oppung : bahhh unangkon inggris, haru Linggis pe huboto...
si Mittop : dang Linggis Oppung... Bahasa Inggris do nikku, ajari jo Oppung, sotung putten NOL au sogot.
Oppung : bahh.. Boasa dang tu Bapam ho mangido diajari ?
si Mittop : ahhh molo Bapa so diattusi bahasa Inggris, alai molo Tambul dohot Tuak ni Nai Ramces do dibahas pittor hatop do Bapa i manyambung.
Oppung : attong sukkun ma asa huajari ho.
si Mittop : toho do diboto Oppung kan ?
Oppung : bahh huboto do da, asa diboto ho najolo sanga do halak inggris hallet ni Oppung... ima asa diboto ho, gabe hubukka ma rahasia 50 taon nasalpu...
Si Mittop : asingg Oppung on ahh.. ittor manggang do, sarupa tu Bapa...
Oppung : bahh naso porsea be ho tu Oppung ?
si Mittop : molo hea do Oppung marhallet tu halak inggris, boasa ma nasian Silimbat an nagabe oppung boru ku ?
Oppung : ahhh.. Dang diatusi ho i, sip ma ho...
ima..aha nanaeng sisukkunon mu.
si Mittop : hujaha annon Bahasa Indonesia na baen Oppung ma Bahasa inggris na, asa husurat.
Oppung : ba baen.. Gappang mai..
Si Mittop : aha ma bahasa ingris ni Bapak ?
Oppung : PADER....
si Mittop : bahh...inna rohana.. diattusi Oppung on do,,, toho do ra najolo halak inggris hallet ni Oppung on...
pittor disurat si Mittop di bukkuna, Bapak = PADER....
Dungi disukkun si Mittop ma muse : bahasa inggris ni Omak ?
Oppung : MADER....
si mittop : agaiabagggg... Toho do hape, inna rohana.... Malo do Oppung on.
pittor disurat si Mittop ma di bukkuna, Ibu = MADER.
Dungi disukkun si Mittop ma muse : molo bahasa inggris ni Oppung Doli ?
Oppung : (mulai bingung.. Alai inna roha na, lak so olo au maila tu dakdanak...) pittor dialusi Oppung ma.. DOLDER....
si Mittop : asing ai dia do Oppung doli gabe DOLDER ?
Oppung : bahhh... Sukkun gurum ibu Sondang Sinurat, pasti benar ninna...
si Mittop : toe ma, nga ummalo Oppung....
Pittor disurat si Mittop ma di bukkuna , Oppung Doli = DOLDER.
Dungi disukkun si Mittop ma muse : molo Oppung Boru aha ma bahasa inggris na ?
Oppung : BORDER....
si Mittop : toho doi Oppung ? Manang na hata manggang do i ? Sotung diparekkeli guru au sogot.
Oppung : wehh tahe... ise guru bahasa inggris mu ? Ibu Sondang Sinurat do kan ? Sukkun ma sogot tu ibana, ikkon putten 10 ho dibaen...
si Mittop : ido ate,,, attong ipe taho..
Pittor disurat si Mittop ma di bukkuna, Oppung Boru = BORDER.
Dungi disukkun si Mittop muse : molo bahasa inggris ni Tante aha ma Oppung ?
Oppung : eeehhmmm... (Makin bingung...alai pittor hatop dialusi..) TANDER....
si Mittop : aahhh Oppung.. Songon na asing do huhilala alus ni Oppung i...
Oppung : eehh amang... Ai parjolo do au marbahasa inggris asa diboto ho...
Haru suru Ibu Sondang Sinurat i marsiajar bahasa ingris tu au...
si Mittop : huhut ma disurat di bukkuna, Tante = TANDER.
Dungi disukkun si Mittop muse : pertanyaan terakhir Oppung, molo bahasa inggris ni satu keluarga aha ma Oppung ?
Oppung : KALENDER....
si Mittop : asing... Songon na luccu bahasa inggris ni Oppung i, toho do i Oppung ? Alai akka di TiVi didok Family do ? Boasa gabe didok Oppung Kalender ?
Oppung : unang bahasa TiVi diihutton ho, ai molo TiVi do diihutton ho nga naeng ikkon marhallet maho nian ho songon si Aliando GGS.
naboha do ? Nanaeng TiVi inama ihuttonnon mu manang Oppung do ?
molo TiVi ido ihutton on mu baen ma obut mi songon jabbulan ni Landak asa suman tu baowa iklan Daia i ho, ai aha naso dipaddokkoni akka TiVi.
si Mittop : daong Oppung, Oppung do ra natikkos...
Huhut ma disurat ibana di bukkuna, Satu Keluarga = KALENDER.
Oppung : ikkon diparroha hon ho do, bereng ma.. Mulai sian ginjang adong do "Der" na kan ? Aha be haroa disangsihon ko ? Sude do pakke "der"... Berarti sian i pe nga boi diboto ho tikkos do i, ikkon angkat jempol sogot Ibu Sondang Sinurat mamereng PR mu.
Ima nga sae be kan... Ala naung huajari do ho, cabuti ma uban kon...
si Mittop : beres ma Oppung...
#Hape tap mai.... Sogot nai, sai murhing ma si Mittop alana putten NOL do ibana dibaen Ibu Sondang Sinurat.
Huhut ma adong catatan kecil di bukku PR ni si Mittop sian Ibu Sondang dengan Tinta Merah :
"Bahasa ingris dari huta manakah ini Oppung....?
Ttd-Ibu Sondang Br.Sinurat
-----0-----0-----0-----0-----
Copyright 2016 - Marulak Sinurat
#Bahagiaitusederhana
*imagi from google
Tidak ada komentar:
Posting Komentar