Oppung Doli : "namohopan Siborongborong dabo… tuhor jo minuman i neh amang… indion hepeng na"
Si Mittop : "Minuman aha ma lomo roha ni Oppung ?
Oppung Doli : "lomom ma na penting ngali… nga naeng mandorguk au…"
Pittor lao ma si Mittop marikkati tu kios di terminal i, dituhor ma dua botol Koca Kola, dung i hatop ma si Mittop mulak alana nga mauas hian Oppung Doli. Holan sahat pittor dilean ma….
Oppung Doli : "aha do dituhor ho amang ?
Si Mittop : "Koka Kola Oppung…. (huhut dilean sabotol di Oppung Doli)
Huhut dipamanat Oppung Doli ma manjaha tulisan dibotol i, dung ninna : "Weehhh Coca Cola do on…
boasa gabe didok ho Koka Kola…?
Si Mittop : "agaiabagggg Oppung on ahh…
manuraton do Coca Cola, molo manjaha Koka Kola do Oppung…"
Oppung Doli : "oido hape… ? naung gatti do hape “CEH” gabe “KEH”, sobinoto akka pamaretta on lomo lomo na manggati peraturan marbahasa.."
Tap mai....
Lao ma si Mittop tu dapur naeng mangaloppa aek asa adong mambaen paridian ni Oppung, hape tikki di dapur ibana mulak ma Oppung boru sian Paccur
Oppung boru : "ai naboha do ho, nga hudok alap au tu paccur lak so ro ho, nga apala hosa hosa iba mardalan… eehhh tahe sabbor nai..
tenang tenang ho dijabu hundul hape akka mandar mu na bakkos i do nicucci di paccur an…"
Oppung Doli : "nga tu PAKKUR (mandok paccur) nakkin au alai huida dang sae dope ho MAKKUKKI (mandok manucci) gabe mulak ma muse au..."
Oppung Boru : "aha do nimmu ? ai naung lari do Amper mu ? songon na gaor ho makkatai ?
Oppung Doli : "ima nian ho, so adong apala BOKKIR (mandok boccir) na manang aha ittor didok ho do iba Lari Amper…
Oppung Boru : "eehh Oppung Mittop naung siteres doho… nasala manginum ubat do ho ? na diinum ho do ubat Dele Dele ? gaor ho makkatai, atik manang aha dipandokkoni ho…."
Pittor ro ma si Mittop sian dapur, dibereng ma Oppung na nga songon na asing asing...
Si Mittop : "aha namasa Oppung ?
Oppung Boru : "bereng ma Oppung doli mi, nga hudok alap annon au tu paccur hape lak sojadi dialap, lak gaor muse ma makkatai,,,nga sai hira nadidalan dalan an. sukkun jo Oppung doli mi atek adong tona na tu ho… nga sala ubat haroa Oppung mi..."
Oppung Doli : "ima nian ho, lak so adong do holong ni roham tu au bah…"
Si Mittop : "aha haroa namasa Oppung.. ? unang sai mandele Oppung puang ?
Oppung Doli : "ima Oppung boru mi, sai hira naso ditanda ho… lalap holan na KEKKOK (mandok cekcok) iba torus, dang hea KOKKOK (mandok cocok)
Si Mittop : "haa ? KEKKOK…?
Oppung Boru : "ima bereng Oppung doli hasian mi Mittop, gaor makkatai kan, bereng ma asa diboto ho, ikkon hubursik ma pakke napuran on annon da asa bulus..."
Oppung Doli : "ima kan lalap Lak so KOKKOK pakkataion, aha ma naso KEKKOK torus molo sian awal pe dang KOKKOK...
Jadi inna roha ni si Mittop…. Bahhh gawat… nga matteh be…alani Coca Cola nakkin mai… agaiabagg Oppung on ahh.....
Jadi dihusiphon si Mittop ma tu Oppung Doli :
"dang sude “CEH” jadi “KEH” Oppung, Leak do mangamuk Oppung boru… ahh amang tahe…...
Oppung Doli : "bah ido hape… inna rohaku naung digatti pamaretta ma ra sude akka bahasa najolo i.."
Si Mittop : "daong Oppung… mamereng “CEH” na do..."
Oppung Doli : "attong.... tong dope mandok holong i CINTA ? dang gabe KINTA kan ? asa hudok jo tu Oppung Borum nadibagas rohakkon…"
Si Mittop : "agaiabaggg Opung... nga HAKKIT (mandok hacit) ulu ku"
-----00-----00-----00-----
HeHeHe…hurang lobi minta maaf da, unang ditarik tu naroa, holan asa mekkel do hita.
Asa mago akka arsak muna adong permainan hubaen asa rap mekkel hita.
Permainan na buti , berdasarkan dari cerita Si Mittop on baen hamu ma akka hata sian bunyi “CEH” ubah menjadi “KEH”…
Beta dongan… hupaiama kreasi muna ate HeHeHeHe
copyright 2016 - Marulak Sinurat
#Bahagiaitusederhana
*gambar illustrasi dari google
Tidak ada komentar:
Posting Komentar