Marmeam ma si Mittop dialaman ni si Guttur, margalaroccang halak i dohot si kartince, si Marintan, si Hotlan dohot akka dakdanak na asing, ribur hian ma alaman i, hape toppu golap ma ari… alogo marputor putor…
Kartince : "sai be i akka dongan… nga naeng dobar udan…."
Si Mittop : "agaiabagggg…. halak Oma dang dijabu… nga disuru nakkin au mandaik jomuran…mulak ma au ate akka dongan… sotung dobar annon udan gabe matonu jomuran ni omak gabe habis ma au dibalbal…"
Ujung na bubar ma akka dakdanank na marmeam I alana lamu marimpot impot alogo….
Marlojongi ma si Mittop asa sanga mandaik abit…holan sahat ibana dijabu pas ma dibereng Nai Lapendos pe mandaik abit pangkuduson…martetangga ma halak si Mittop tu si Lapendos on, holan jomuran baju ma jarak antara jabu ni halak i…
Nai Lapendos : "agaiamang ai sian dia doho Mittop… daik abit mon, sotung hona udan… bereng ma ne alogo pe marimpot impot… hatop i.. dobar nama udan on..''
Si Mittop : "olo inang…makana marlojongi au sian dolok asa unang hona udan jomuran ni omak on"
Pittor didaik si Mittop ma jomuran ni Omak na on, na godangan, sappe tolu kawat na ganjang, alani godang na sappe dang tarida nama daging ni si Mittop ditutupi abit i… dung sae masuk ma si Mittop sian dapur…
Hape andorang mardalan si Mittop, tarberengna di ramba ramba ditoru ni jomuran i peak peak sada kolor
inna roha ni si Mittop : “bah.. kolor bapa ku madabu… ido ne… HING’S do.. ido kolor ni bapa do on… jadi pittor dibuat si Mittop ma…
Dung sae mandaik jomuran si Mittop on, tu pudi ma ibana mangalean mangan pinahan…
Mulak ma bapak Mittop sian manarik sewa, ala so adong dibereng jolma dijabu pittor maridi ma ibana.. marganti baju dungi lao tu kode Tuak Nai Ramces .
Tap mai…
Dikode Tuak Nai Ramces pe nga marisi sude meja, Bapak Mittop di meja 3, dipudina bapak Lapendos dimeja 4, ribur hian ma, gitar pe nga marjereng jereng… Trio Paragat Tulen pe nga mangendehon lagu SAPPURAN... amang tahe mantap ni lagu… diribak ma ate ate…
“Sappuran na mamolus… Sappuran na mamolus…
“Alogo na mangullus… alogo na mangullus…
“Haru husiphon ma bulus.. tu mula jadi nabolon.. sapata ki.. owhowooooww.. asa pur pur…”
hape toppu ma tarbereng ni bapak Lapendos pemandangan aneh…
pas madabu maccis na, pas unduk ibana mambuat maccis na tarbereng na ma kolor ni bapak Mittop sian balik ni gonting saloar na…
inna roha bapak Lapendos : “asing… hira kolor hu do nadipakke ni Bapak Mittop an…. Kurang ajar… on ma hape arti ni mata ku namakkubit ubit piga ari on….
Pittor Jongjong ma bapak Lapendos dijolo ni bapak Mittop huhut bollang matana…
Bapak Lapendos : “jongjong jo ho pak Mittop….”
Bapak Mittop : “bahhh… aha namasa lae… (huhut ma jongjong bapak Mittop ), mahua lae… denggan hatai lae…”
Bapak Lapendos : “dia jo hubereng gonting mi…” (pittor dipamasuk bapak Lapendos ma tangan na tu saluar ni bapak Mittop)
Bapak Mittop :” heeiiii… lae…assihh.. boi minum, boi mabuk alai unang gabe asing asing dijamai ho… assihhh… lak hu kampak maho… gabe gaor ho apala sagalas tuak diinum ho… asiihhh…..”
Bapak Lapendos : “baba mi… dirippu hodo naso normal be au….”
Ujung na marsitarikan tangan na be ma halak i nadua …
Bapak Lapendos : “hheee… ama ama naso suman… Kolor nise nadipakke mi…”
Bapak Mittop : “unang mambaen keributan ho di sion da, maksud mu holan ho na mamakke kolor disiborong borong on… unang maccam maccam ho lappet…
Roma Oppug Tali manolai, ninna ma : “eehhh hamu nadua… hundul hamu… argaan muna do hami sude na adong di lapo on… HUNDUL !!! dang boi haroa dihatai denggan.. ?
Bapak Lapendos : “bereng oppung jo Kolor ni bapak Mittop on… kolor hu do i.. hutanda do ulu ni manuk ku"
Bapak Mittop : “heee…unang masaam massam ho Lapendos…holan kolor mu do haroa merek HING”s di Siborong borong on ? kolor hu pea dong do 5 merek HING’s asa diboto ho…"
Bapak Lapendos : "bereng doppak sabuk nai adong hutulis pakke pulpen “Lapendos”...
Hape memang bapak Lapendos on ditulisi sude pakaian dalam na asa adong tandana alana molo pas marlintas ibana tu pekan baru sering marmagoan kolor dohot akka singlet na sian mess...
Dibereng Bapak Mittop matutu adong tulisan “Lapendos” doppak sabuk HING”s nai… bingung ma bapak Mittop…"
Bapak Lapendos : "dang husangka songoni pangalahom ateh bapak Mittop… 14 taon ma hita martetangga hape lak tega ho selingkuh tu parnijabukku… kurang ajar ho… ikkon hupamate ho…"
Ujung na marbada ma halak i nadua, sappat ma akka na sappat, bola ma akka na bola…
alai molo Nai Ramces nga sai tangis ala habis sude akka tuak dohot tambul marhabangan, asing dope gitar mabola..
Ujung na roma kepala desa dohot piga halak Polisi padamehon, diboan ma halak on tu balai desa…
Sar ma barita... Omak Mittop pe pittor heppot ma mangajak si Mittop tu balai desa suang songoni Nai Lapendos…Holan sahat halak i di balai desa… pittor mangamuk ma bapak Lapendos tu Omak Mittop..
Bapak Lapendos : " heeee… ina ina… urus amattamu da unang manggatal…''
“Eehhh…plakk… pittor mallapak ma sahali nai bohi ni bapak Lapendos dibaen bapak Mittop…”
Pittor ninna Polisi ma : “ dame hamu akka amang…. Disini kita berkumpul agar ada jalan keluar… jangan saling menuduh… tahan emosi… tolong dihargai kepala desa…”
Ujung na dipatuppol kepala desa ma masalah i..
Berkeras ma Bapak Mittop dihadirion na : “marsumpa au demi sahala ni da Oppung.. dang hea hujama Nai Lapendos… dang hea selingkuh au tu Nai Lapendos… molo sai dituduh bapak Lapendos do au selingkuh tu inattana alani kolor IHING's on nga siap au di visum manang dihahua pe taho…. Nga ummalo hamu polisi i menyelidiki..
alai molo fitnah dan tuduhan tidak benar do dibaen ho bapak Lapendos, ikkon patupaon mu do mangan sahuta jala gatti sude kerugian Nai Ramces…”
Bapak Lapendos : “dang adong panakko mangakku da asa diboto ho… malo mangakku sude panakko diportibi on nga gok penjara an dang hasiatan be…”
Toppu ma emosi si Mittop ala dang terima ibana di tuduhan ni bapak Lapendos…
dibereng muse ma Kolor HING”s na jadi sengketa i… malengleng ma ate ate na…
Pittor Ninna si Mittop ma : ”boasa dituduh hamu bapak ku selingkuh… sek burju bapa ki… dang songon nadituduh mi bapa ki…"
Sip ma sude akka natorop mamereng keberanian si Mittop makkatai…
Bapak Lapendos : ”sip ho… dang diattusi ho manang aha dodong… allang ma gadong i…”
Pittor jongjong ma muse bapak Mittop naeng manopar bapak Lapendos.. alai pittro ditolai Polisi ima…
alani emosi na, pittor ninna si Mittop ma : “makana ajari inattam RADOT asa unang gaor huta on…”
Ninna polisi i ma : “na adong do diboto ho cerita ni kolor HING”s on anggia ? molo adong dokkon ma asa sude mamboto… asa selesai permasalahan on..”
Si Mittop : “mandaik jomuran nakkin sore au bapa Polisi… naeng udan… alogo marimpot impot… rappak do au dohot inang Lapendos mandaik abit…
dung sae hudaik adong hubereng sada kolor peak peak diramba ramba, hubereng merekna HING's...jei hubuat ala hurippu kolor ni bapa ku…”
Sip ma sude natorop i…. Nai Lapendos pe nga sai maila hian…
Si Mittop : “makana inang Lapendos molo mandaik abit denggan bereng…jojor bereng kawat mi...
ai aha ma attong pola do mandaik abit ikkon selfie hamu… mentang mentang baru manuhor heppon hamu lalap sai selfie.
manapu alaman selfie,mangalean mangan pinahan selfie, mamutik bulung gadong selfie, dohot do nga marimpot impot alogo ikkon ma selfie mandaik jomuran, ima akibat selfie dang dibereng be nga DIOMBUS ALOGO kolor ni amattana.
ujung na gabe bapak ku ma disalahon hamu, hape kolor mu do na mapeut…
ULU NI MANUK MUNA do dang diattureshon hamu...''
Ninna Kepala desa ma : “bah… jei na dibuat hodo kolor HING”s ni bapak Lapendos… ?
Si Mittop : “dang hubuet oppung… nahubereng do peak peak diramba ramba… inna rohaku kolor ni bapa do ra makana hubuet…."
Ujung na Minta maaf ma bapak Lapendos ala menuduh bapak Mittop selingkuh…
-----///-----///-----///-----
Makana akka dongan… TANDAI BE ULU NI MANUK NA atehh… unang asal manuduh halak…
Tamba ni i muse tu hamu akka ina i, molo jonok jonokan do jomuran ta tu hombar balok pambaeni hamu akka gaccit gaccit i unang habang abit i diullus alogo…ittor gaccitton...
Horas ma...!!!
copyright 2016 - Marulak Sinurat
#bahagiaitusederhana
Tidak ada komentar:
Posting Komentar