Gabe martigatiga Lappet ma Omak Mittop di Onan Siborongborong, alana molo holan Bapak Mittop do diharaphon horas ma jala gabe. Natuani muse ma olo Nai Ramces mamodali Omak Mittop on, jala nga dilean Nai Ramces Tips martigatiga asa lakku.
Nai Ramces : "ingot da eda... ikkon kreatif dan inovatif do ho alana nga adong saingan mu disi ima Nai Larince par dolok, nga jumolo terkenal Lappet ni Nai Larince...."
Omak Mittop : "olo eda..."
Nai Ramces : "bereng ma au, nojolo pe nga godang saingan lapo Tuak dison, alai ala kreatif dan inovatif do au gabe tuson do sude minum Tuak"
Omak Mittop : "olo eda huingot pe tips mi"
Mardiskusi ma Omak Mittop, Bapak Mittop dohot si Mittop mengenai ide kreatif i, dapot ma sada ide sian si Mittop mengenai pola konsumen, ima ketertarikan sipembeli terhadap sebuah tulisan na unik. jadi ditulis halak i ma disada harotas "LAPPET PULUT OMAK MITTOP, ASLI 100 %".
dapot ma arina lao ma Omak Mittop tu onan Siborongborong, pas ma disapping ni Nai Larince Lapak na.
Holan dibukka Omak Mittop tigatiga na pittor lakku ma, godang ma marroan akka jolma.
Hape molo Nai Larince nga sai sogo rohana.
Ninna rohana : "kurang ajar ho Omak Mittop, pendatang baru doho dison alai songon na naeng mamboan bada... Age bereng".
attar attar mardalan ibana doppak lapak ni Omak Mittop, dibereng ma tulisan "LAPPET PULUT OMAK MITTOP, ASLI 100%".
Ninna roha na,, "bahh.. Jadi maksudmu naso asli do Lappet ton?.. Age bereng da..."
Sogot nai dibaen Nai Larince ma Tulisan "LAPPET PULUT, LEBIH BESAR & LEBIH ENAK"
Hape Omak Mittop pe nga digatti Tulisanna gabe : "LAPPET PULUT OMAK MITTOP. BESAR DILUAR, BESAR DIDALAM".
Tong ma diserbu pembeli Lappet ni Omak Mittop. Lamu sogo ma roha ni Nai Larince apalagi dibege ibana akka panuhor i marnonang :
"iya yahh.. Lappet Omak Mittop enak ya... Sudah Besar enak lagi...".
Mosok ma roha Nai Larince.. Sogot nai dibaen ibana ma tulisan "LAPPET PULUT ISTIMEWA,RASANYA MENGGIGIT.DIJAMIN !!!".
Hape Omak Mittop pe dang kalah kreatif dan Inovatif na, diingot ibana do poda Nai Ramces.
Jadi ditulis ma "LAPPET PULUT OMAK MITTOP, MANDOIT DALAM SETIAP GIGITANNYA".
Tong ma laris manis lappet ni Omak Mittop.
Akka panuhor i pe lamu las rohana adong ma namandok : "tabo nai Lappet ni Omak Mittop i ateh,,Mandoit puang,, ketagihan iba mangallang".
Adong ma muse mandok : "wuiihhh... Lappet Omak Mittop sesuatu yaahh... Sumriwing..."
Lamu emosi ma Nai Larince, inna roha na : "paima da.. Anggo ho ikkon hujanggola. Sogot nai dibaen Nai Larince ma muse Tulisan "LAPPET PULUT LUAR BIASA".
Tong ma muse Omak Mittop nga manggatti tulisanna gabe : "LAPPET PULUT OMAK MITTOP, DILUAR DARI KEBIASAAN".
Hape holan dibereng akka jolma i pittor tu lapak ni Omak Mittop ma halak i manuhor, pittor habis ma Lappet ni Omak Mittop...
Marlaoan ma akka panuhor i huhut marnonang : "iya yaa.. Lappet Omak Mittop bukan hanya luar biasa, tapi diluar kebiasaan...Puas makan lappet Omak Mittop yaa...".
Naasing adong muse do mandok : "ima da... Labbok hian do lappet ni Omak Mittop i ate, aha ma naeng resep na, nga godang lappet huallang di Siborongborong on alai holan Lappet ni Omak Mittop do na Tabo".
Na asing muse adong mandok : "marmiak ate Lappet ni Omak Mittop i, isina pe hapal, saddok tabo ma ate..."
Dibege Nai Larince ma hatani akka panuhor i gabe lamu emosi ma ibana.
Dang tahan be Nai Larince pittor diroro ma Omak Mittop.
Nai Larince : "heee... Omak Mittop... Aha do maksud mu, gabe ho do manggugai tigatigaku.."
Omak Mittop : "bahh..dang adong hugugai ho eda"
Nai Larince : "aha nimmu, ulakkin jo asa hupaspas babami.."
Omak Mittop : "Sitaon uppan na be do dabo eda"
Nai Larince : "dang tabo cara mi puang, nijual Lappet lak Lappet muse dijual ho, na asing jual, jagal babi jual, manang jagal biang, manang kain monza, manang goreng pisang, pulik gabe Lappet dijual ho"
Omak Mittop : "dang adong peraturan di onan Siborongborong on ikkon asing asing nadijual eda"
Nai Larince : "sip babami... boasa gabe akka langgananku dibuat ho, asa diboto ho nga 10 taon au martigatiga Lappet, nga terkenal Lappet hu ollak ni Dolok Sanggul"
Omak Mittop : "ba na uttabo ma ra Lappet hu makana tuau nasida ro..."
Nai Larince : "hujanggola ma ho annon... Jei aha maksudmu mandok 100 % asli ? Maksudmu dang asli Lappet hu ? eeehhh pangguga... asa diboto ho pulut asli sian Pahae do bahan ni Lappet ku da, unang gabe ho pateal tealhon. Ubbalga do Lappet hu daripada Lappet mu...
eeehhh dok ma nian nadipakke hodo bulle bulle asa laris tigatiga mi.... eeehhh parbulle bulle...!!!
Omak Mittop : "ehhh baba mi.. Dang hea marbulle bulle au da asa diboto ho, parugamo do au.
Kreatif dan inovatif do hubaen dilappetton asa lakku.
Ubbalga nimmu Lappet mu.. ? Cuihhhh...
diluar do balga Lappet mu eda, molo dibagas gelleng do, nasa on do..(Huhut manggotil jari jarina pasumatton).
Nai Larince : "umbalga do Lappet hu, unang pabilak bilakkon ho.... eeehhh parbulle bulle do ho"
Omak Mittop : "Molo Lappet hu Balga diluar tong do Balga dibagas, gula na pe hapal dang songon gulam sallutik"
Nai Larince : "eeeee... Unang maccam maccam ho da. Hujanggola ma ho asa diboto ho"
Omak Mittop : "eee parbada.. Bereng jo Lappet mu asa boi koreksi diri ho. Molo Lappet mu dibulungna do lokkot, alai molo Lappethu dibaba do lokkot...ima ala ni aslina ase diboto ho.
Molo Lappet hu BALGA, HAPAL, LAPPOT, DOLMAK, MARMIAK"
Nai Larince : "miak ni bulle bulle...cuiiihhhh....'
Hape ditikki namarbada i nasida, roma Bapak Rodes manolai nasida.
Bapak Rodes : "aiii aha di ahh.. Maila hita puang... Dame ma hamu puang...
Sude saonan on mamereng dang maila hamu ?
Masuk koran muse ma annon hamu, dang maila hamu molo dibaen koran annon judulna "Dua orang Omak Omak di Siborongborong marjanggola karena Lappet" ?
Omak Mittop : "eda on do mangaroro au ito..."
Nai Larince : "diam kau Pak Rodes, hope penghianat do ho, nga 5 taon gabe langgananku ho, nga 5 taon dihilala ho Lappet hu hape gabe tu Omak Mittop ma ho pidda, gabe Lappet ni parbulle bulle on ma dituhor ho ?
Bapak Rodes : "gabe tuau do muruk ho,dang moru riting mi bah.."
Nai Larince : "molo ho dihianati boha perasaan mu ? Marlangganan ho tu au, maminjam hepeng ho tu au, hape lak Lappet ni parbulle bulle on ma dituhor ho ?
Bapak Rodes : "dang adong dope huallang Lappet ni Omak Mittop, unang marganjang dila ho.."
Nai Larince : "eeee...nattuari dang na manuhor lappet ni Omak Mittop ho ? Hubereng do...
eeeee dasar Pallecem do ho"
Bapak Rodes : "eee parbada... Manuhor Lappet ni Omak Mittop do au Nattoari alai Bapak Larince do manuru i,
Amatta mu do manuru au, alana inna Amatta mu tabo do lappet ni Omak Mittop, Hapal jala Lappot"
Nai Larince : "eeeeerrrgggg..."
Alani emosina pittor lao ma ibana mandiori Bapak Larince. Age bereng... Ikkon husarsari ho... ninna.
copyright 2016-Marulak Sinurat
#Bahagiaitusederhana
Tidak ada komentar:
Posting Komentar